മെഡിറ്ററേനിയൻ നഗരങ്ങളിലെ മേയർമാരെയും ഉന്നത ഉദ്യോഗസ്ഥരെയും അഭിവാദ്യം ചെയ്യുന്നതിനും അഭയാർത്ഥികളുടെയും കുടിയേറ്റക്കാരുടെയും കുടുംബങ്ങളെ കാണുന്നതിനും ഫ്രാൻസിസ് മാർപാപ്പ 2022 ഫെബ്രുവരി 27 -ന് മധ്യ ഇറ്റലിയിലെ ഫ്ലോറൻസ് സന്ദർശിക്കും. പാപ്പായുടെ സന്ദർശനം സ്ഥിരീകരിച്ചുകൊണ്ട്, ഇറ്റാലിയൻ ബിഷപ്പ് കോൺഫറൻസിന്റെ പ്രസിഡന്റ് കർദ്ദിനാൾ ഗ്വാൾട്ടിറോ ബാസെറ്റി, പാപ്പായോട് നന്ദി രേഖപ്പെടുത്തി.
മെഡിറ്ററേനിയനിലെ സഭാ, സിവിൽ സ്ഥാപനങ്ങൾക്ക് സമകാലിക ലോകത്തിന്റെ വെല്ലുവിളികളെ അഭിമുഖീകരിക്കാനുള്ള സംയുക്ത പ്രതിബദ്ധത പുതുക്കാൻ ഈ സന്ദർശനത്തിനു കഴിയുമെന്ന് കർദ്ദിനാൾ ബാസെറ്റി പ്രത്യാശ പ്രകടിപ്പിച്ചു.
