‘അവിടുത്തേക്ക് എല്ലാവരും ജീവിക്കുന്നവർ തന്നെ’ എന്ന വചനം നമുക്ക് പ്രത്യേകമാംവിധം മാർഗ്ഗദീപമാണ്. ഉത്ഥാനത്തെക്കുറിച്ചുള്ള ചോദ്യത്തിനൊടുവിലാണ് ഈശോ ഇങ്ങനെ പറയുന്നത്. ദൈവത്തിന്റെ മുമ്പിൽ എല്ലാവരും ജീവിക്കുന്നവരാണ്. മരിച്ചവരും ജീവിക്കുന്നവരും അവിടുത്തേയ്ക്ക് ജീവിക്കുന്നവരാണ്. നമുക്കോ?
നമ്മളിൽ ചിലർക്ക് ജീവിച്ചിരിക്കുന്നവർ പോലും മരിച്ചവരാണ്. അപരനിലുള്ള ജീവനെയും ചൈതന്യത്തെയും ദർശിക്കാത്തവരും അംഗീകരിക്കാത്തവരുമാണ് പലരും. നാം എന്തിനാണ് ചിലരെ നമ്മുടെ മനസിൽ നിന്ന് മരിച്ചവരായി മാറ്റിനിർത്തിയിരിക്കുന്നത്? എല്ലാവരെയും ജീവിക്കുന്നവരായി കാണാനുള്ള കൃപക്കായി പ്രാർത്ഥിക്കാം. ദൈവം ചെയ്യുന്നത് അനുകരിക്കേണ്ടവരാണ് ദൈവമക്കൾ. എല്ലാവരിലും നിറഞ്ഞുനിൽക്കുന്ന ദൈവികജീവനെ കാണാൻ ദൈവമക്കളായ നമുക്ക് സാധിക്കട്ടെ.
ഫാ. ജി. കടൂപ്പാറയിൽ MCBS
