ആലക്കോട് (കണ്ണൂർ): ഫാ. ജോജോ ചെട്ടിയാകുന്നേൽ റോം ആസ്ഥാനമായി പ്രവർത്തിക്കുന്ന മിഷനറീസ് ഓഫ് ലാസലറ്റ് സന്യാസസമൂഹത്തിന്‍റെ ജനറൽ കൗൺസിലറായി തെരഞ്ഞെടുക്കപ്പെട്ടു. തലശേരി അതിരൂപതാംഗമാണ് അദ്ദേഹം.
സഭയുടെ 32 -മത് ജനറൽ സിനാക്സസിലായിരുന്നു തെര‌ഞ്ഞെടുപ്പ്. ഒരു ഇന്ത്യൻ വൈദീകൻ ഇത് ആദ്യമായാണ് ലാസലറ്റ് സന്യാസ സമൂഹത്തിന്‍റെ ജനറൽ കൗൺസിലർ സ്ഥാനത്തേക്ക് തിരഞ്ഞെടുക്കപ്പെടുന്നത്. ഫാ. ജോജോ അമേരിക്കയിൽ കഴിഞ്ഞ അഞ്ചു വർഷം ആയി സേവനം ചെയ്യുകയാണ്.
