ലെയോ പാപ്പയുടെ ഉറുഗ്വേ, അർജന്റീന, പെറു സന്ദർശനത്തിന്റെ ഔദ്യോഗിക സമയക്രമം പുറത്തുവിട്ട് വത്തിക്കാൻ

ലെയോ പതിനാലാമൻ മാർപാപ്പയുടെ ചരിത്രപ്രസിദ്ധമായ ലാറ്റിൻ അമേരിക്കൻ പര്യടനത്തിന്റെ ഔദ്യോഗിക സമയക്രമം വത്തിക്കാൻ പുറത്തുവിട്ടു. നവംബർ ആറു മുതൽ 17 വരെ ഉറുഗ്വേ, അർജന്റീന, പെറു എന്നീ രാജ്യങ്ങളിലാണ് മാർപാപ്പ സന്ദർശനം നടത്തുന്നത്. മാർപാപ്പയായ ശേഷമുള്ള ലെയോ പാപ്പയുടെ ആദ്യ ലാറ്റിൻ അമേരിക്കൻ സന്ദർശനമാണിത്. പാപ്പ വൈദികനായും മെത്രാനായും ദീർഘകാലം സേവനമനുഷ്ഠിച്ച പെറുവിലേക്കുള്ള തിരിച്ചുവരവ് കൂടിയാണ് ഈ യാത്ര.

ഉറുഗ്വേയിലെ ‘തേർട്ടി ത്രീ മാതാവിന്റെ’ (Virgin of the Thirty Three) തീർഥാടന കേന്ദ്രം, അർജന്റീനയിലെ ലൂഹാൻ മാതാവിന്റെ (Virgin of Luján) തീർഥാടന കേന്ദ്രം എന്നിവിടങ്ങളിലെ സന്ദർശനവും പെറുവിലെ ചിക്ലായോയിൽ (Chiclayo) നടക്കുന്ന അമലോദ്ഭവ മാതാവിന്റെ മുടിചൂടിക്കൽ ശുശ്രൂഷയുമാണ് യാത്രയിലെ പ്രധാന ചടങ്ങുകൾ.

സന്ദർശനത്തിന്റെ പൂർണ്ണമായ ഔദ്യോഗിക സമയക്രമം ചുവടെ ചേർക്കുന്നു:

ഉറുഗ്വേ – നവംബർ 6, വെള്ളിയാഴ്ച

07:00 – റോം/ഫിയുമിചിനോ അന്താരാഷ്ട്ര വിമാനത്താവളത്തിൽ നിന്ന് മൊന്തെവിദിയോയിലേക്ക് (Montevideo) പുറപ്പെടുന്നു.

16:30 – മൊന്തെവിദിയോ-കരാസ്കോ അന്താരാഷ്ട്ര വിമാനത്താവളത്തിൽ എത്തിച്ചേരുന്നു.

17:30 – ‘ഇൻഡിപെൻഡൻസ് സ്ക്വയറിൽ’ ഔദ്യോഗിക സ്വീകരണം.

17:45 – ഭരണാധികാരികൾ, സിവിലിയൻ പ്രമുഖർ, നയതന്ത്ര ഉദ്യോഗസ്ഥർ എന്നിവരുമായി കൂടിക്കാഴ്ച.

18:15 – ‘ഹോസെ അർട്ടിഗാസ് കെട്ടിടത്തിൽ’ വച്ച് റിപ്പബ്ലിക് പ്രസിഡന്റുമായി കൂടിക്കാഴ്ച.

19:10 – മെട്രോപൊളിറ്റൻ കത്തീഡ്രലിൽ ബിഷപ്പുമാർ, വൈദികർ, സമർപ്പിതർ, വൈദികാർഥികൾ എന്നിവർക്കൊപ്പം സന്ധ്യാപ്രാർഥന (Vespers).

നവംബർ 7, ശനിയാഴ്ച

08:25 – മൊന്തെവിദിയോയിൽ നിന്ന് പൈസാൻഡുവിലേക്ക് (Paysandú) വിമാനമാർഗം പുറപ്പെടുന്നു.

09:10 – പൈസാൻഡു അന്താരാഷ്ട്ര വിമാനത്താവളത്തിൽ എത്തിച്ചേരുന്നു.

10:00 – ‘പാരിസ് ലണ്ടൻ പാർക്കിൽ’ വിശുദ്ധ കുർബാന അർപ്പണം.

12:45 – പൈസാൻഡുവിൽ നിന്ന് മൊന്തെവിദിയോയിലേക്ക് തിരികെ വിമാനമാർഗം പുറപ്പെടുന്നു.

13:30 – മൊന്തെവിദിയോയിൽ എത്തിച്ചേരുന്നു.

17:00 – കസാവാലെയുടെ (Casavalle) സാമൂഹിക അന്തരീക്ഷം നേരിട്ടറിയാനുള്ള സന്ദർശനം.

18:00 – ഉറുഗ്വേ കാത്തലിക് യൂണിവേഴ്സിറ്റിയിൽ വിദ്യാഭ്യാസ മേഖലയിലെ പ്രമുഖരുമായി കൂടിക്കാഴ്ച.

19:00 – സെന്റനറി സ്റ്റേഡിയത്തിൽ ജാഗരണ പ്രാർഥന.

ഉറുഗ്വേ – അർജന്റീന – നവംബർ 8, ഞായറാഴ്ച

10:30 – ‘തേർട്ടി ത്രീ മാതാവിന്റെ’ ദേശീയ തീർഥാടന കേന്ദ്രമായ ഫ്ലോറിഡ കത്തീഡ്രൽ ബസിലിക്ക മുറ്റത്ത് വിശുദ്ധ കുർബാന അർപ്പണം.

15:10 – മൊന്തെവിദിയോ വിമാനത്താവളത്തിൽ യാത്രയയപ്പ് ചടങ്ങ്.

15:30 – മൊന്തെവിദിയോയിൽ നിന്ന് ബ്യൂണസ് അയറിസിലേക്ക് (Buenos Aires) വിമാനമാർഗം പുറപ്പെടുന്നു.

16:30 – ബ്യൂണസ് അയറിസ് ‘എയ്റോപാർക്ക് ജോർജ്ജ് ന്യൂബെറി’ വിമാനത്താവളത്തിൽ എത്തിച്ചേരുന്നു.

17:00 – പ്ലാസ സാൻ മാർട്ടിനിലെ ജനറൽ സാൻ മാർട്ടിൻ സ്മാരക സന്ദർശനം.

17:20 – ‘പിങ്ക് ഹൗസിൽ’ സ്വീകരണ ചടങ്ങ്.

17:50 – അർജന്റീന പ്രസിഡന്റുമായി കൂടിക്കാഴ്ച.

18:30 – സാംസ്കാരിക കേന്ദ്രത്തിൽ വച്ച് ഭരണാധികാരികൾ, സിവിലിയൻ പ്രമുഖർ, നയതന്ത്ര ഉദ്യോഗസ്ഥർ എന്നിവരുമായി കൂടിക്കാഴ്ച.

നവംബർ 9, തിങ്കളാഴ്ച

09:15 – ക്ലേപോൾ ഡോൺ ഒറിയോൺ അനാഥാലയം സന്ദർശനം.

11:30 – ‘മോനുമെന്റ് ഓഫ് ദി സ്പാനിയാഡ്സിൽ’ വിശുദ്ധ കുർബാന അർപ്പണം.

16:10 – അർജന്റീന കാത്തലിക് യൂണിവേഴ്സിറ്റിയിൽ തൊഴിൽ മേഖലയിലെ പ്രമുഖരുമായി കൂടിക്കാഴ്ച.

17:30 – സാൻ മാർട്ടിൻ കൊട്ടാരത്തിൽ വിവിധ ക്രൈസ്തവ സഭാതലവൻമാരുമായും മറ്റ് മതനേതാക്കളുമായും കൂടിക്കാഴ്ച.

18:45 – മെട്രോപൊലീത്തൻ കത്തീഡ്രലിൽ അർജന്റീനിയൻ ബിഷപ്പുമാരുമായും സിനഡൽ ടീമുകളുമായും സന്ധ്യാപ്രാർഥന.

19:45 – ആർച്ച് ബിഷപ്പ് ഹൗസിൽ ബിഷപ്പുമാർക്കൊപ്പം അത്താഴവിരുന്ന്.

നവംബർ 10, ചൊവ്വാഴ്ച

07:30 – ബ്യൂണസ് അയറിസിൽ നിന്ന് കോർഡോബയിലേക്ക് (Córdoba) വിമാനമാർഗം പുറപ്പെടുന്നു.

09:00 – കോർഡോബ അന്താരാഷ്ട്ര വിമാനത്താവളത്തിൽ എത്തിച്ചേരുന്നു.

10:00 – മിലിറ്ററി ഏവിയേഷൻ സ്കൂൾ മൈതാനത്ത് വിശുദ്ധ കുർബാന അർപ്പണം.

15:15 – അവർ ലേഡി ഓഫ് അസംപ്ഷൻ കത്തീഡ്രലിൽ ബിഷപ്പുമാർ, വൈദികർ, സമർപ്പിതർ, അല്മായ പ്രതിനിധികൾ എന്നിവരുമായി കൂടിക്കാഴ്ച.

16:55 – കോർഡോബയിൽ നിന്ന് ബ്യൂണസ് അയറിസിലേക്ക് തിരികെ വിമാനമാർഗം പുറപ്പെടുന്നു.

18:10 – ബ്യൂണസ് അയറിസിൽ എത്തിച്ചേരുന്നു.

20:15 – ‘മോനുമെന്റ് ഓഫ് ദി സ്പാനിയാഡ്സിൽ’ യുവാക്കൾക്കൊപ്പമുള്ള പ്രാർഥനാ ജാഗരണം.

അർജന്റീന – പെറു – നവംബർ 11, ബുധനാഴ്ച

08:00 – ബ്യൂണസ് അയറിസിലെ ഫെഡറൽ ജയിൽ സന്ദർശനം.

10:00 – ലൂഹാൻ മാതാവിന്റെ (Our Lady of Luján) ബസിലിക്ക മുറ്റത്ത് വിശുദ്ധ കുർബാന അർപ്പണം.

13:30 – ബ്യൂണസ് അയറിസ് വിമാനത്താവളത്തിൽ യാത്രയയപ്പ് ചടങ്ങ്.

14:00 – അർജന്റീനയിൽ നിന്ന് പെറുവിലെ ലിമയിലേക്ക് (Lima) വിമാനമാർഗം പുറപ്പെടുന്നു.

17:30 – കയാവോ നേവൽ എയർ ബേസിൽ എത്തിച്ചേരുന്നു.

18:15 – ‘ഗവൺമെന്റ് പാലസിൽ’ സ്വീകരണ ചടങ്ങ്.

18:45 – പെറു പ്രസിഡന്റുമായി കൂടിക്കാഴ്ച.

19:45 – ഗ്രാന്റ് തിയേറ്റർ നാഷണലിൽ വച്ച് ഭരണാധികാരികൾ, സിവിലിയൻ പ്രമുഖർ, നയതന്ത്ര ഉദ്യോഗസ്ഥർ എന്നിവരുമായി കൂടിക്കാഴ്ച.

നവംബർ 12, വ്യാഴാഴ്ച

09:30 – ആർച്ച് ബിഷപ്പ് ഹൗസിൽ പെറുവിലെ ബിഷപ്പുമാരുമായി കൂടിക്കാഴ്ച.

10:20 – കത്തീഡ്രൽ ബസിലിക്കയിൽ വച്ച് പ്രാർഥന.

11:30 – കത്തീഡ്രൽ സ്ക്വയറിൽ പെറൂവിയൻ ജനത അഭിമുഖീകരിക്കുന്ന വെല്ലുവിളികളെക്കുറിച്ചുള്ള ചർച്ച.

18:00 – മോനുമെന്റൽ സ്റ്റേഡിയത്തിൽ യുവാക്കളും സർവകലാശാലാ വിദ്യാർത്ഥികളുമായുള്ള ജാഗരണ പ്രാർഥന.

20:00 – അപ്പോസ്തലിക് ന്യൂൺഷ്യേച്ചറിൽ ബിഷപ്പുമാർക്കൊപ്പം അത്താഴവിരുന്ന്.

നവംബർ 13, വെള്ളിയാഴ്ച

07:40 – ലിമയിൽ നിന്ന് ചിക്ലായോയിലേക്ക് (Chiclayo) വിമാനമാർഗം പുറപ്പെടുന്നു.

09:10 – ചിക്ലായോ എയർ ബേസിൽ എത്തിച്ചേരുന്നു.

10:30 – ‘പാംപാസ് ഡി പിമെന്റൽ’ മൈതാനത്ത് വിശുദ്ധ കുർബാന അർപ്പണം.

12:40 – വിശുദ്ധ ഓസ്കാർ റോമേറോ ചാപ്പലിൽ സ്വകാര്യ സന്ദർശനം.

16:30 – സമാധാന മാതാവിന്റെ സങ്കേതത്തിൽ വച്ച് സഭാധികാരികളുമായും അല്മായ പ്രതിനിധികളുമായും കൂടിക്കാഴ്ച.

17:45 – സാന്റോ തൊറിബിയോ ഡി മൊഗ്രോവെജോ കാത്തലിക് യൂണിവേഴ്സിറ്റിയിൽ ഉന്നതവിദ്യാഭ്യാസ രംഗത്തെ പ്രമുഖരുമായി കൂടിക്കാഴ്ച.

19:00 – ചിക്ലായോ രൂപതയിലെ വൈദികർക്കൊപ്പം അത്താഴവിരുന്ന്.

നവംബർ 14, ശനിയാഴ്ച

08:00 – സെന്റ് മേരീസ് കത്തീഡ്രലിൽ അമലോദ്ഭവ മാതാവിന്റെ മുടിചൂടിക്കൽ ശുശ്രൂഷ (Coronation rite).

09:10 – സാന്റ ക്രൂസ് ഡി സുച്ചാബാംബയിലേക്ക് (Santa Cruz de Succhabamba) ഹെലികോപ്റ്റർ മാർഗം പുറപ്പെടുന്നു.

09:50 – സാന്റ ക്രൂസ് ഹെലിപാഡിൽ എത്തിച്ചേരുന്നു.

11:00 – സാന്റ ക്രൂസ് ഡി സുച്ചാബാംബ മൈതാനത്ത് വിശുദ്ധ കുർബാന അർപ്പണം.

13:15 – ചിക്ലായോയിലേക്ക് തിരികെ ഹെലികോപ്റ്റർ മാർഗം പുറപ്പെടുന്നു.

14:00 – ചിക്ലായോ എയർ ബേസിൽ എത്തിച്ചേരുന്നു.

17:30 – സെന്റ് തൊറിബിയോ ഡി മൊഗ്രോവെജോ സങ്കേതത്തിൽ ജൂബിലി വർഷാചരണത്തിന്റെ സമാപനത്തോടനുബന്ധിച്ച് പ്രാർഥനാ സംഗമം.

നവംബർ 15, ഞായറാഴ്ച

07:50 – ചിക്ലായോയിൽ നിന്ന് കുസ്കോയിലേക്ക് (Cusco) വിമാനമാർഗം പുറപ്പെടുന്നു.

10:00 – കുസ്കോ അന്താരാഷ്ട്ര വിമാനത്താവളത്തിൽ എത്തിച്ചേരുന്നു.

10:30 – സക്സായ്‌വാമാൻ നാഷണൽ ആർക്കിയോളജിക്കൽ പാർക്കിൽ വിശ്വാസികളുമായുള്ള കൂടിക്കാഴ്ച.

11:45 – കത്തീഡ്രൽ ബസിലിക്ക മുറ്റത്ത് ‘ത്രികാല പ്രാർഥന’ (Angelus).

13:05 – കുസ്കോയിൽ നിന്ന് പുകാൽപ്പയിലേക്ക് (Pucallpa) വിമാനമാർഗം പുറപ്പെടുന്നു.

14:30 – പുകാൽപ്പ അന്താരാഷ്ട്ര വിമാനത്താവളത്തിൽ എത്തിച്ചേരുന്നു.

15:00 – ‘മലേക്കോൺ പോർട്ടോ കയാവോയിൽ’ വച്ച് ആമസോണിയൻ മേഖലയിലെ മിഷനറിമാരുമായി കൂടിക്കാഴ്ച.

16:45 – ഉക്കായാലി റീജിയണൽ സ്പോർട്സ് വില്ലേജിൽ വിശുദ്ധ കുർബാന അർപ്പണം.

19:05 – പുകാൽപ്പയിൽ നിന്ന് ലിമയിലേക്ക് തിരികെ വിമാനമാർഗം പുറപ്പെടുന്നു.

20:20 – ലിമയിലെ കയാവോ നേവൽ എയർ ബേസിൽ എത്തിച്ചേരുന്നു.

നവംബർ 16, തിങ്കളാഴ്ച

08:30 – ‘ലിറ്റിൽ സിസ്റ്റേഴ്സ് ഓഫ് ദി പുവർ’ വൃദ്ധസദനം സന്ദർശനം.

10:30 – ‘ലാസ് പൽമാസ് എയർ ബേസിൽ’ വിശുദ്ധ കുർബാന അർപ്പണം.

13:15 – കയാവോ നേവൽ എയർ ബേസിൽ ഔദ്യോഗിക യാത്രയയപ്പ് ചടങ്ങ്.

13:45 – പെറുവിൽ നിന്ന് റോമിലേക്ക് തിരികെ വിമാനമാർഗം പുറപ്പെടുന്നു.

നവംബർ 17, ചൊവ്വാഴ്ച

10:25 – റോം/ഫിയുമിചിനോ അന്താരാഷ്ട്ര വിമാനത്താവളത്തിൽ തിരിച്ചെത്തുന്നു.