ഉറുഗ്വേയിലെ കത്തോലിക്കാ സർവകലാശാല സന്ദർശിച്ച ലെയോ പതിനാലാമൻ മാർപാപ്പ, മറ്റുള്ളവരെ അധിക്ഷേപിക്കുന്നതും തരംതാഴ്ത്തുന്നതും ഒഴിവാക്കി പരസ്പര ബഹുമാനത്തോടെ ആയിരിക്കാൻ ശ്രദ്ധിക്കാൻ വിദ്യാഭ്യാസ സമൂഹത്തോട് ആഹ്വാനം ചെയ്തു. പഞ്ചേന്ദ്രിയങ്ങളിലൂടെ സുവിശേഷത്തിന്റെ സന്ദേശം അനുഭവിച്ചറിയണമെന്ന് ആവശ്യപ്പെട്ട മാർപാപ്പ, മനുഷ്യൻ ശരീരവും ആത്മാവും ചേർന്ന ഒരൊറ്റ സാന്നിധ്യമാണെന്നും അതിനാൽ ഓരോ വ്യക്തിയുടെയും അന്തസ്സ് സംരക്ഷിക്കപ്പെടണമെന്നും ഓർമ്മിപ്പിച്ചു.
മറ്റുള്ളവരെ കേൾക്കാൻ തയ്യാറാകുന്നവർ അവരെ ഒരു ഭീഷണിയായല്ല, മറിച്ച് അനുഗ്രഹമായാണ് കാണുന്നതെന്നും പാപ്പ കൂട്ടിച്ചേർത്തു. സാങ്കേതികവിദ്യയും ആർട്ടിഫിഷ്യൽ ഇന്റലിജൻസും ഉപയോഗിക്കുമ്പോൾ അൽഗോരിതങ്ങൾക്ക് മുകളിൽ വ്യക്തിബന്ധങ്ങൾക്കും മനുഷ്യത്വത്തിനും മുൻഗണന നൽകണമെന്ന് മാർപാപ്പ ഉദ്യോഗസ്ഥരെയും വിദ്യാർത്ഥികളെയും ഓർമ്മിപ്പിച്ചു.
