വർഷങ്ങൾക്കുശേഷം വിശുദ്ധ ബലിയർപ്പണത്തിനായി ഒരുങ്ങി ജോർദ്ദാനിലെ ദൈവാലയം 

അൻപതിലേറെ വർഷങ്ങളായി ഉപേക്ഷിക്കപ്പെട്ടു കിടന്നിരുന്ന ജോർദ്ദാൻ നദിക്കരയിലെ ദൈവാലയത്തിൽ ഇന്ന് വിശുദ്ധ ബലിയർപ്പണം നടക്കും. സ്നാപകയോഹന്നാന്റെ നാമത്തിലുള്ള ഈ ദൈവാലയം ഫ്രാൻസിസ്കൻ സന്യാസികളാണ് ബലിയർപ്പണത്തിനായി സജ്ജമാക്കിയത്.

50 വർഷത്തിലേറെയായി മൈനുകൾ സ്ഥാപിച്ച സ്ഥലമായതിനാൽ ഈ ഭാഗത്തേയ്ക്ക് ആർക്കും എത്തുവാൻ കഴിഞ്ഞിരുന്നില്ല. ഇപ്പോൾ ഫീൽഡ് വൃത്തിയാക്കിയ ശേഷം ചരിത്രപരമായ ഈ സൈറ്റ് വിനോദസഞ്ചാരികളെയും തീർത്ഥാടകരെയും ഒരിക്കൽക്കൂടി സ്വാഗതം ചെയ്യാൻ ഒരുങ്ങിയിരിക്കുകയാണ്. നൂറു വര്‍ഷം പഴക്കമുള്ള ഈ ദൈവാലയവും ആശ്രമവും ഇസ്രയേലും അറബ് രാജ്യങ്ങളും തമ്മിലുള്ള യുദ്ധത്തെ തുടർന്നാണ് ശൂന്യമാക്കപ്പെട്ടത്. അതിനുശേഷം ഇസ്രയേലും പലസ്തീനും തമ്മിലുള്ള യുദ്ധം കടന്നുവന്നു. പട്ടാളത്തിന്റെ നിയന്ത്രണത്തിലുള്ള പ്രദേശമായതിനാൽ ഇവിടേയ്ക്ക് ആർക്കും പ്രവേശനം ഉണ്ടായിരുന്നില്ല.

1641-ൽ ഫ്രാൻസിസ്‌ക്കൻസ് ഇവിടെ എത്തുകയും ദൈവാലയം പുനർനിർമ്മിക്കുകയും ചെയ്തു. ആദ്യം നിർമ്മിച്ച ദൈവാലയം ഭൂചലനത്തിൽ നശിച്ചു. പിന്നീട് 1956-ൽ ദൈവാലയം പുതുക്കി പണിതു. ആ ദൈവാലയത്തിലാണ് ഇന്ന് വിശുദ്ധ ബലി അർപ്പിക്കപ്പെടുന്നത്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.