നല്ല മണ്ണിൽ വിതയ്ക്കപ്പെട്ട വിത്ത് മുപ്പതു മേനിയും അറുപതു മേനിയും നൂറു മേനിയും ഫലം പുറപ്പെടുവിക്കേണ്ടവയാണ് (20). ഏത് മണ്ണിൽ വിതയ്ക്കപ്പെട്ടവരാണ് നമ്മൾ? നമ്മുടെ കുടുംബ-സാമൂഹ്യപശ്ചാത്തലങ്ങൾ നല്ലതല്ലായിരുന്നു എന്ന ചിന്ത ചിലപ്പോൾ നമുക്ക് ഉണ്ടായേക്കാം. എന്നാല് ഓർമ്മിക്കുക. ദൈവത്തിന്റെ പ്രത്യേക ഇടപെടൽ കൊണ്ടാണ് നാം ഇപ്പോൾ ആയിരിക്കുന്ന ഈ സാഹചര്യത്തിലിരിക്കുന്നത്.
നാമാകുന്ന വിത്ത് വീണ മണ്ണ് നല്ല മണ്ണ് തന്നെയാണ്. എവിടെയാണെങ്കിലും അവിടെ നൂറുമേനി ഫലം പുറപ്പെടുവിക്കുക എന്നതാണ് പ്രധാനപ്പെട്ട കാര്യം. കുടുംബജീവിതമോ, ഏകസ്ഥ ജീവിതമോ, വൈദീക ജീവിതമോ, സന്യാസ ജീവിതമോ – ഏത് ജീവിതാവസ്ഥയാണെങ്കിലും നൂറുമേനി ഫലം പുറപ്പെടുവിക്കുക. നാമാകുന്ന വിത്തിനെക്കുറിച്ചുള്ള വിതക്കാരന്റെ സ്വപ്നം അതാണ്.
ഫാ. ജി. കടൂപ്പാറയിൽ MCBS