സ്വര്ഗ്ഗരാജ്യം എന്നാല് നീ എത്തിച്ചേരേണ്ട അവസ്ഥ. അവിടെ നീ എത്തിച്ചേരണമെങ്കില്, അതു നീ നേടണമെങ്കില് നീയും എന്തൊക്കെയോ വില്ക്കാനുണ്ട് എന്നു സാരം.
ഏറ്റവും വലിയത് നേടിയെടുക്കാന് മറ്റുള്ളതെല്ലാം വിറ്റെറിയണമെന്ന വചനത്തിന്റെ ശാഠ്യഭാവത്തോട് നമ്മുടെ പ്രതികരണം എന്താണ്? ഏറ്റവും നല്ലതിനെ നേടിയെടുക്കാന് ബാക്കി അവശേഷിക്കുന്നതിനെ ഉപേക്ഷിക്കാന് നമുക്ക് സാധിക്കുമോ? ഏറ്റവും നല്ലതിനെ നേടാന് ബാക്കിയെല്ലാം ഉപേക്ഷിക്കാന് നമ്മള് തയ്യാറാകാത്തതാണ് നമ്മുടെ പ്രശ്നം. എന്തൊക്കെയാണ് ഉപേക്ഷിക്കേണ്ടതെന്ന് ഓരോരുത്തരും വ്യക്തിപരമായി കണ്ടുപിടിക്കേണ്ടതാണ്. നല്ലതല്ലാത്ത ചില ബന്ധങ്ങള്, അഹംഭാവം, അസൂയ… അങ്ങനെ പലതും കാണും.
ഫാ. ജി. കടൂപ്പാറയിൽ MCBS