ആദ്യത്തെ നാല് ശിഷ്യന്മാരെ വിളിക്കുമ്പോൾ അവർ തങ്ങൾക്കുള്ളതെല്ലാം ഉപേക്ഷിച്ച് ഈശോയെ അനുഗമിക്കുന്നു. വലയും വഞ്ചിയും പിതാവും അതിൽ ഉൾപ്പെടുന്നു. അതുവരെയുള്ള ജീവിതസാഹചര്യങ്ങൾ, ജീവിതമാർഗ്ഗം, ശൈലി എല്ലാം ഉപേക്ഷിക്കുന്നു.
നമ്മളും ഈശോയാൽ വിളിക്കപ്പെട്ടവരാണ്. കുടുംബ-സമർപ്പിത ജീവിതത്തിലൂടെ അവിടുത്തെ പിഞ്ചെല്ലുകയാണ് നമ്മൾ. പണ്ടേ ഉപേക്ഷിക്കേണ്ടതായിരുന്ന പലതും ഇപ്പോഴും കൂടെക്കൊണ്ടു നടക്കുന്നവരാണോ നമ്മൾ എന്ന് പരിശോധിക്കേണ്ടതാണ്. അഹങ്കാരം, അസൂയ, അലസത… ഉപേക്ഷിക്കേണ്ടതിന്റെ നിര നീണ്ടതായിരിക്കാം. അത് ഓരോ വ്യക്തിയെ സംബന്ധിച്ചും വ്യത്യസ്തവുമായിരിക്കും.
ഫാ.ജി. കടൂപ്പാറയിൽ MCBS
