പ്രായത്തിലും ജ്ഞാനത്തിലും ദൈവത്തിന്റെയും മനുഷ്യരുടെയും പ്രീതിയിലും യേശു വളർന്നുവന്നു എന്നാണ് വചനം പറയുന്നത് (52). ഒരു വ്യക്തി എന്ന നിലയിൽ സമഗ്രമായ വളർച്ച. നമ്മുടെയും നമ്മുടെ പ്രിയപ്പെട്ടവരുടെയും വളർച്ച എപ്രകാരമാണ് എന്നു കൂടി ധ്യാനിക്കുക ഉചിതമാണ്.
തിരുക്കുടുംബത്തെ വരച്ചുകാട്ടുന്ന ഭാഗം കൂടിയാണിത്. സമാധാനവും ശാന്തതയും നിലനിന്ന ആ കുടുംബത്തിൽ നിന്ന് യേശുവിനെ കാണാതാകുന്നുണ്ട്. ഇത് ഏതു കുടുംബത്തിലും സംഭവിക്കാം. കുടുംബത്തിലേയ്ക്ക് യേശുവിനെ തിരികെ കൊണ്ടുവന്ന് ആദ്യ സമാധാനവും ശാന്തിയും നാമും തിരികെയെടുക്കേണ്ടതാണ്.
ഫാ. ജി. കടൂപ്പാറയില്‍ MCBS
