“നിങ്ങളുടെ ഹൃദയം അസ്വസ്ഥമാകേണ്ട. ദൈവത്തിൽ വിശ്വസിക്കുവിൻ; എന്നിലും വിശ്വസിക്കുവിൻ” – ശിഷ്യരോടുള്ള ഈശോയുടെ വാക്കുകളാണ്. അസ്വസ്ഥരാകാനുള്ള നിരവധി സാഹചര്യങ്ങൾ അവരുടെ ജീവിതത്തിൽ സംഭവിക്കും എന്ന് ഈശോയ്ക്ക് അറിയാമായിരുന്നു.
നമ്മളും ഓരോ ദിവസവും എന്തുമാത്രം കാര്യങ്ങളെക്കുറിച്ചാണ് അസ്വസ്ഥരാകുന്നത്? സമ്പാദ്യം, ഭക്ഷണം, വസ്ത്രം, പാർപ്പിടം, ആരോഗ്യം, കൂടെയുള്ളവർ… നിര നീളുകയാണ്. എല്ലാ സാഹചര്യങ്ങളിലും ദൈവം കൂടെയുണ്ടാകും എന്ന വിശ്വാസമുണ്ടെങ്കിൽ ജീവിതം ആനന്ദകരമാകും. അല്ലെങ്കിൽ എന്നുമെപ്പോഴും ടെൻഷൻ മാത്രം. ടെൻഷൻ മാറാൻ മരുന്നല്ല, വചനമാണ് അത്യുത്തമം എന്ന് നമ്മൾ മനസിൽ കുറിക്കണം.
ഫാ. ജി. കടൂപ്പാറയിൽ MCBS
