ഒല്ലൂര്‍: വിശുദ്ധ എവുപ്രാസ്യമ്മയുടെ തിരുനാളില്‍ പങ്കെടുക്കാനും ഊട്ടുനേര്‍ച്ച കഴിക്കാനും മാധ്യസ്ഥ്യത്തിനും അനുഗ്രഹത്തിനുമായി ആയിരങ്ങള്‍ ഇന്നലെ ഒല്ലൂരിലെ എവുപ്രാസ്യ തീര്‍ത്ഥകേന്ദ്രത്തിലേക്ക് ഒഴുകിയെത്തി.
ആഘോഷമായ പാട്ടുകുര്‍ബാന ഫാ.ഡേവിസ് പുലിക്കോട്ടില്‍, റവ.ഡോ. ദേവസി പന്തല്ലൂക്കാരന്‍, ഫാ.സെബി കവലക്കാട്ട്, ഫാ.ബെന്നി കിടങ്ങന്‍ എന്നിവരുടെ കാര്‍മികത്വത്തില്‍ രാവിലെ നടന്നു. തുടര്‍ന്ന് നടന്ന ഊട്ടുനേര്‍ച്ചയില്‍ മുപ്പതിനായിരത്തോളം പേര്‍ പങ്കെടുത്തു.
വൈകീട്ട് വികാരി ജനറാള്‍ മോണ്‍. ജോര്‍ജ് കോമ്പാറ, തൃശൂര്‍ അതിരൂപതയിലെ രജത ജൂബിലി ബാച്ച് വൈദികര്‍ എന്നിവരുടെ കാര്‍മികത്വത്തില്‍ ആഘോഷമായ ദിവ്യബലി. ഒല്ലൂര്‍ ഫൊറോന വികാരി ഫാ.ജോണ്‍ അയ്യങ്കാനയില്‍ നൊവേനയ്ക്കു നേതൃത്വം നല്‍കി. തുടര്‍ന്ന് തിരുനാള്‍ പ്രദിക്ഷിണം നടന്നു.
