പിറന്നാൾ ദിനത്തിൽ പാപ്പായ്ക്ക് സൂര്യകാന്തി പൂക്കൾ സമ്മാനിച്ചു റോമിലെ ദരിദ്രരായ ആളുകൾ. വത്തിക്കാനിലെ പ്രസ് ഓഫീസ് ഡയറക്ടർ മാറ്റിയോ ബ്രൂണി ആണ് ഈ കാര്യം അറിയിച്ചത്.
പാവപ്പെട്ട ആളുകൾ കൊടുത്തയച്ച സൂര്യകാന്തി പൂക്കൾ കർദ്ദിനാൾ കൊൻറാഡ് ക്രാജെവ്സ്കി പാപ്പായ്ക്ക് സമ്മാനിച്ചു. ശ്വാസകോശ സംബന്ധമായ അസുഖമുള്ള കുട്ടികൾക്കായി വെനിസ്വേലയിലേക്ക് നാല് കൃത്രിമ ശ്വസനോപകരണങ്ങൾ അന്നേ ദിവസം പാപ്പാ അയച്ചു. ഫ്രാൻസിസ് മാർപാപ്പയുടെ 84-ാം ജന്മദിനം ആഘോഷങ്ങൾ ഇല്ലാതെ നടന്നു. പ്രാർത്ഥനയോടെയാണ് അന്നേ ദിനം പാപ്പാ ചെലവഴിച്ചതെന്ന് വത്തിക്കാൻ ന്യൂസ് റിപ്പോർട്ട് ചെയ്തു.
