ആരുമറിയാതെ ചെയ്യുന്ന പുണ്യപ്രവര്‍ത്തിയും വിശുദ്ധിയുമാണ് യഥാര്‍ത്ഥത്തില്‍ കത്തോലിക്കാ സഭയുടെ വെളിച്ചമെന്ന് ഫ്രാന്‍സിസ് പാപ്പാ.
“പലപ്പോഴും ആരുമറിയാത്ത, പലരും തിരിച്ചറിയാത്ത പുണ്യജീവിതങ്ങളും പുണ്യപ്രവര്‍ത്തികളുമാണ് തീര്‍ത്ഥാടകസഭയുടെ ജീവിതത്തില്‍ വ്യാപിച്ചുനില്‍ക്കുന്നത്” – ഫ്രാന്‍സിസ് പാപ്പാ പറഞ്ഞു. “ക്ഷമാപൂര്‍ണ്ണരായ ദൈവജനത്തില്‍ നാം വിശുദ്ധി കാണണം. അത്രമേല്‍ സ്നേഹത്തോടെ തങ്ങളുടെ കുഞ്ഞുങ്ങളെ വളര്‍ത്തുന്ന മാതാപിതാക്കളിലും വീടുകളില്‍ അടുപ്പു പുകയാന്‍ വേണ്ടി അദ്ധ്വാനിക്കുന്ന സ്ത്രീ-പുരുഷന്മാരിലും രോഗികളിലും പുഞ്ചിരിക്കുന്ന വയോധികരിലും ഒക്കെ മറഞ്ഞിരിക്കുന്ന വിശുദ്ധി കാണാന്‍ നാം പഠിക്കണം” – ഫ്രാന്‍സിസ് പാപ്പാ പറഞ്ഞു.
