പ്രതിസന്ധികള്ക്കിടയിലും തങ്ങള്ക്ക് സഹായം നല്കുന്ന റഷ്യന് പാര്ലമെന്റ് അംഗങ്ങള്ക്ക് നന്ദി അര്പ്പിച്ചുകൊണ്ട് അന്ത്യോക്യയിലെ ഓര്ത്തഡോക്സ് സഭയുടെ അധ്യക്ഷന് യൂഹന്നാന് പത്താമന്. ദമാസ്കസില് സന്ദര്ശനത്തിന് എത്തിയ റഷ്യന് പാര്ലമെന്റ് അംഗങ്ങളിലൂടെ ആണ് അദ്ദേഹം തങ്ങളുടെ കടപ്പാട് രേഖപ്പെടുത്തിയത്.
“വളരെയേറെ പ്രതിസന്ധികള്ക്ക് നടുവില് കഴിയുന്ന സിറിയയിലെ ജനങ്ങള്ക്കിടയില് സമാധാനം പുനഃസ്ഥാപിക്കുവാന് നിങ്ങള് നടത്തുന്ന ശ്രമങ്ങള് വളരെ വലുതാണ്. വളരെയേറെ സഹായങ്ങള് സിറിയയിലെ ജനങ്ങള്ക്ക് നിങ്ങള് ചെയ്തിട്ടുണ്ട്. അതിനെയെല്ലാം നന്ദിയോടെ ഓര്ക്കുന്നു” എന്ന് അദ്ദേഹം പറഞ്ഞു. ഒപ്പം തന്നെ ഓര്ത്തഡോക്സ് സഭകള്ക്കിടയില് നടന്ന തര്ക്കങ്ങളില് തങ്ങള്ക്ക് നല്കിയ പിന്തുണയ്ക്കും പാത്രിയര്ക്കീസ് നന്ദി രേഖപ്പെടുത്തി.