സീതത്തോട്: മലങ്കര കത്തോലിക്കാ സഭ പത്തനംതിട്ട രൂപതയുടെ അഞ്ചാമത്തെ വൈദികജില്ല നിലവിൽ വന്നു. മലയോര മേഖലയായ സീതത്തോട് ആണ് പുതിയ വൈദികജില്ല.
ഇന്നലെ സീതത്തോട് പള്ളിയിൽ ചേർന്ന പത്തനംതിട്ട രൂപതയിലെ വൈദിക സമ്മേളനത്തിലാണ് പ്രഖ്യാപനം ഉണ്ടായത്. സീതത്തോട് സെന്റ് മേരീസ് മലങ്കര കത്തോലിക്കാ പള്ളി വികാരി ഫാ. വർഗീസ് ചാമക്കാലായിലിനെ പ്രഥമ വൈദികജില്ല വികാരിയായി രൂപതാധ്യക്ഷൻ യൂഹാനോൻ മാർ ക്രിസോസ്റ്റം മെത്രാപ്പോലീത്ത നിയമിച്ചു.
സീതത്തോട് ഉപജില്ല വൈദികജില്ലയായി ഉയർത്തിയതിനൊപ്പം കോന്നി വൈദികജില്ലയിലെ നാല് പള്ളികളും ഇതിന്റെ ഭാഗമാക്കിയിട്ടുണ്ട്. 14 ദേവാലയങ്ങൾ പുതിയ വൈദികജില്ലയിലുണ്ടാകും.സെന്റ് മേരീസ് ദേവാലയം വൈദികജില്ലയുടെ ആസ്ഥാനമാകും.രൂപതയുടെ കോ അഡ്ജത്തൂർ ബിഷപ്പായി നിയമിതനായ ഡോ.സാമുവേൽ മാർ ഐറേനിയോസിന് വൈദികസമ്മേളനത്തിൽ സ്വീകരണം നൽകി.