വിശപ്പിനെ മറികടക്കുക എന്നത് മനുഷ്യരാശിയുടെ വലിയ വെല്ലുവിളികളിൽ ഒന്നാണ് എന്ന് ഫ്രാൻസിസ് മാർപാപ്പ. ഐക്യരാഷ്ട്ര സഭയുടെ ഭക്ഷ്യ-കാർഷിക സംഘടനയുടെ ഡയറക്ടർ ജനറലിനുള്ള സന്ദേശത്തിലാണ് പാപ്പാ ഇക്കാര്യം പറഞ്ഞത്.
മൂന്ന് ബില്യണിലധികം ആളുകൾക്ക് പോഷകസമൃദ്ധമായ ഭക്ഷണക്രമം ലഭ്യമല്ല. എന്നാൽ, മോശം ഭക്ഷണക്രമവും ഉദാസീനമായ ജീവിതശൈലിയും കാരണം ഏകദേശം രണ്ട് ബില്യൺ ആളുകൾ അമിതഭാരമുള്ളവരാണെന്നും പാപ്പാ ചൂണ്ടിക്കാട്ടി. മെച്ചപ്പെട്ട ഉത്പാദനം, മെച്ചപ്പെട്ട പോഷകാഹാരം, മെച്ചപ്പെട്ട പരിസ്ഥിതി, മെച്ചപ്പെട്ട ജീവിതം പരമാവധി പരിസ്ഥിതി സുസ്ഥിരത ഉറപ്പു വരുത്തുന്നതും മതിയായതും താങ്ങാവുന്നതുമായ ഭക്ഷണക്രമങ്ങൾ എല്ലാവർക്കും ലഭ്യമാകുന്നതിനായി യോജിച്ച പ്രവർത്തനത്തിന്റെ ആവശ്യകത പാപ്പാ ഉയർത്തിക്കാട്ടി.
