അടുത്ത ലോക കുടുംബ സംഗമം 2028 -ൽ

കുടുംബങ്ങൾക്കായുള്ള അടുത്ത ലോക സമ്മേളനം 2028-ൽ നടക്കുമെന്ന് കർദ്ദിനാൾ കെവിൻ ഫാരെൽ അറിയിച്ചു. ശനിയാഴ്ച സെന്റ് പീറ്റേഴ്സ് സ്ക്വയറിൽ നടന്ന സമ്മേളനത്തിൽ ആണ് അടുത്ത സംഗമത്തിനായുള്ള വർഷം പ്രഖ്യാപിച്ചത്.

ഫ്രാൻസിസ് മാർപാപ്പയുമായുള്ള കുടുംബങ്ങളുടെ അടുത്ത ഒത്തുചേരൽ ‘കുടുംബങ്ങളുടെ ജൂബിലി’ ആയിരിക്കുമെന്നും അത് 2025 ൽ നടക്കുമെന്നും കർദ്ദിനാൾ കെവിൻ ഫാരെൽ വ്യക്തമാക്കി. വരാനിരിക്കുന്ന കുടുംബ സംഗമങ്ങൾ ഒക്കെയും അനേകായിരം ഹൃദയങ്ങളെ സ്പർശിക്കുന്ന കൃപയുടെ അവസരങ്ങളായി മാറുവാൻ പ്രാർത്ഥിക്കാം എന്നും അദ്ദേഹം കൂട്ടിച്ചേർത്തു.

കുടുംബങ്ങൾക്കായുള്ള ആദ്യ ലോക സമ്മേളനം 1994-ൽ റോമിൽ വച്ചാണ് നടത്തപ്പെട്ടത്. ലോകമെമ്പാടുമുള്ള കത്തോലിക്കാ കുടുംബങ്ങളുടെ മീറ്റിംഗ് സാധാരണയായി മൂന്ന് വർഷം കൂടുമ്പോൾ പല സ്ഥലങ്ങളിലായി നടത്തി വരുന്നു. 2021 ൽ നടക്കാനിരുന്ന ലോക കുടുംബ സമ്മേളനമാണ് ഈ മാസം നടത്തപ്പെട്ടത്. കോവിഡ് മഹാമാരി മൂലം മാറ്റിവച്ചതായിരുന്നു 2021 ലെ കുടുംബ സംഗമം.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.