മെക്സിക്കോ: സുന്ദരിപ്പട്ടം നേടിയ സുന്ദരിമാര് പിന്നീട് ജീവിക്കുന്നത് ആ അംഗീകാരത്തിന്റെ തിളക്കത്തിലായിരിക്കും. എന്നാല് മെക്സിക്കന് സുന്ദരിയായ എസ്മെരാല്ഡ സോളിസ് ഗോണ്സാല്വസ് എന്ന പെണ്കുട്ടി തന്റെ ശേഷിച്ച ജീവിതം ചെലവഴിക്കാന് തീരുമാനിച്ചത് ഒരു സന്യാസിനിയായിട്ടായിരുന്നു. കഴിഞ്ഞ വര്ഷമാണ് എസ്മരാല്ഡ മെക്സിക്കോയുടെ സുന്ദരിപ്പട്ടം നേടിയത്. ഇപ്പോള് ക്ലെര് മിഷണറി സന്യാസ സഭാംഗമാണ് ഈ പെണ്കുട്ടി.
ഫേസ്ബുക്കിലെ പേജിലൂടെയാണ് കഴിഞ്ഞ ദിവസം തന്റെ ജീവിതത്തെക്കുറിച്ച് ഇരുപത്തിനാല് വയസ്സുകാരിയായ ഇവര് വെളിപ്പെടുത്തിയത്. ജാലിസ്റ്റോ സംസ്ഥാനത്തെ ഗുഡാലുപെയില് ആഴമേറിയ കത്തോലിക്കാ വിശ്വാസമുള്ള ഒരു കുടുംബത്തിലാണ് എസ്മരാല്ഡ ജനിച്ചത്. ന്യൂട്രിഷനിസ്റ്റ് ആയിട്ടാണ് അവര് തന്റെ കരിയര് ആരംഭിച്ചത്. ഇപ്പോള് ക്ലെര് സന്യാസ സഭാംഗമായി ജീവിക്കുന്നു. ”ഇവിടെ എത്തുന്നത് വരെ മതപരമായ ജീവിതത്തെക്കുറിച്ച് എനിക്ക് കാര്യമായി ഒന്നും അറിയില്ലായിരുന്നു. ലോകം എന്താണ് ഈ മിഷണറിമാരില് നിന്ന് ആഗ്രഹിക്കുന്നതെന്ന് ഇപ്പോള് ഞാന് മനസ്സിലാക്കുന്നു. മറ്റൊരു കാഴ്ചപ്പാടിലാണ് ഞാനിപ്പോള് ലോകത്തെ നോക്കിക്കാണുന്നത്” എസ്മരാല്ഡ തന്റെ ഫേസ്ബുക്ക് പേജിലൂടെ പറയുന്നു.
Click here to Reply or Forward |