ഒക്‌ടോബർ 26 -ന് കോസ്റ്റാറിക്കയുടെ രക്ഷാധികാരിയായ മാലാഖമാരുടെ രാജ്ഞിയായ പരിശുദ്ധ കന്യകാമറിയത്തിന്റെ മൊസൈക്ക് ചിത്രം വത്തിക്കാൻ ഗാർഡനിൽ സ്ഥാപിച്ചു. 1824-ൽ ആണ് ഈ മാതാവിന്റെ ചിത്രം കോസ്റ്റാറിക്കയുടെ രക്ഷാധികാരിയായി പ്രഖ്യാപിക്കപ്പെട്ടത്. ഇത് സ്പെയിനിൽ നിന്നുള്ള ഒരു മരിയൻ ചിത്രമാണ്.
“വത്തിക്കാൻ ഗാർഡനിൽ സ്ഥാപിച്ചിരിക്കുന്ന ഈ ചിത്രം കത്തോലിക്കാ ജനതയെന്ന നിലയിൽ നമ്മെ ഒന്നിപ്പിക്കുന്ന വിശ്വാസത്തിന്റെ മൂല്യത്തെ പ്രതിനിധീകരിക്കുന്ന ഒന്നാണ്. അതേ സമയം നമ്മെ പ്രോത്സാഹിപ്പിക്കുകയും ഉത്തേജിപ്പിക്കുകയും ചെയ്യുന്നു. കോസ്റ്റാറിക്കയിലെ എപ്പിസ്കോപ്പൽ കോൺഫറൻസിന്റെ (CECOR) പ്രസിഡന്റ് മോൺ. ജോസ് മാനുവൽ ഗരിറ്റ ഹെരേര പറഞ്ഞു.
2016 -ൽ, ഈ മരിയൻ ചിത്രം കണ്ടെത്തിയതിന്റെ 380-ാം വാർഷികം കോസ്റ്റാറിക്കൻ നഗരമായ കാർട്ടാഗോയിൽ ആഘോഷിച്ചു. ഈ ചിത്രം അഗ്നിപർവ്വതത്തിൽ നിന്നുള്ള പാറ, ഗ്രാഫൈറ്റ്, രത്നങ്ങൾ എന്നിവ കൊണ്ടാണ് നിർമ്മിച്ചിരിക്കുന്നത്. ഈ ചിത്രത്തിന്റെ നിറം കറുപ്പാണ്, അതിനാൽ ഈ ചിത്രത്തിലെ പരിശുദ്ധ മറിയത്തെ സ്നേഹപൂർവ്വം ‘ലാ നെഗ്രിറ്റ’ എന്ന് വിളിക്കുന്നു.
