അനാഥാലയങ്ങളുടെയും ആശുപത്രികളുടെയും പ്രവർത്തനം തടസപ്പെട്ടിട്ടില്ലെന്ന് മിഷനറീസ് ഓഫ് ചാരിറ്റി അധികൃതർ അറിയിച്ചു. വിദേശസഹായം സ്വീകരിക്കുന്നതുമായി ബന്ധപ്പെട്ട പ്രശ്‌നം പരിഹരിക്കുന്നതിന് ഓഡിറ്റർമാരുമായും വിദഗ്ധരുമായും ചർച്ച നടക്കുന്നു.
രാജ്യത്തെ ജനങ്ങളുടെ സ്നേഹവും പിന്തുണയും കൊണ്ടാണ് പിടിച്ചു നിൽക്കുന്നത്. ആരോരുമില്ലാത്തവരെയും രോഗികളെയും വയോധികരെയും പരിചരിക്കുന്നത് പതിവുപോലെ തുടരും. മിഷനറീസ് ഓഫ് ചാരിറ്റി ചെലവഴിക്കുന്ന പണത്തിന്റെ ഭൂരിഭാഗവും രാജ്യത്തിനകത്ത് നിന്നുതന്നെയാണ് ലഭിക്കുന്നതെന്നും അധികൃതർ കൂട്ടിച്ചേർത്തു.
