സീറോ മലബാർ യൂത്ത് മൂവ്മെന്‍റ് (എസ്എംവൈഎം) തമിഴ്നാട് റീജിയണൽ സമിതിയെ തെരഞ്ഞെടുത്തു. തക്കല രൂപതയുടെ സെന്‍റ് എഫ്രേം പാസ്റ്റർ സെന്‍ററിൽ ചേർന്ന രാമനാഥപുരം, തക്കല, ഹൊസൂർ രൂപത പ്രതിനിധികളുടെ യോഗത്തിൽനിന്നാണ് റീജണൽ എക്സിക്യൂട്ടിവിനെ തെരഞ്ഞെടുത്തത്. തക്കല രൂപതാധ്യക്ഷൻ മാർ ജോർജ് രാജേന്ദ്രൻ ഉദ്ഘാടനം ചെയ്തു. മറ്റുള്ളവരെ എങ്ങനെയൊക്കെ സഹായിക്കാൻ പറ്റും എന്ന് ചിന്തിക്കുന്നവരാകണം യുവജനങ്ങളെന്നു ബിഷപ് പറഞ്ഞു. സമ്മേളനത്തിൽ തമിഴ്നാട് റീജണ്‍ എസ്എംവൈഎം ഡയറക്ടർ ഫാ.ബിജോ പാലായിൽ അധ്യക്ഷതവഹിച്ചു.
യൂത്ത് കമ്മീഷൻ സെക്രട്ടറി ഫാ. ജോസഫ് ആലഞ്ചേരി തെരഞ്ഞെടുപ്പിനു നേതൃത്വം നൽകി. തമിഴ്നാട് റീജന്‍റെ പ്രഥമ പ്രസിഡന്‍റായി ലിജോ ചെന്പൻ തെരഞ്ഞെടുക്കപ്പെട്ടു. ജനറൽ സെക്രട്ടറി ജെസിൻ ജോസഫ്, കൗണ്‍സിലേഴ്സ് അജീഷ്, അഭിമോൾ ഡെപ്യൂട്ടി പ്രസിഡന്‍റ് ജിനോ, വൈസ് പ്രസിഡന്‍റ് അനിത ജോഷി എന്നിവരും തെരഞ്ഞെടുക്കപ്പെട്ടു. ഫാ. ബിജോ പാലായിൽ ഫാ.സന്തോഷ്, അഞ്ജന ട്രീസ, വിനോദ് റിച്ചാർട്സൻ എന്നിവർ പ്രസംഗിച്ചു.
