സ്വതന്ത്ര ഭാരതത്തിൽ ഭരണഘടന ഉറപ്പുതരുന്ന സംഭരണാവകാശങ്ങൾ നിഷേധിക്കുന്നത് ഏതെങ്കിലും മതത്തോടുള്ള അവഗണന മാത്രമല്ല, മതവിവേചനത്തിന്റെ ശക്തമായ അടയാളവുമാണെന്ന് ചങ്ങനാശേരി അതിരൂപതാ സഹായമെത്രാൻ മാർ തോമസ് തറയിൽ.
പട്ടികജാതി സംവരണ നിഷേധത്തിനെതിരെ ചങ്ങനാശേരി അതിരൂപത ദളിത് കത്തോലിക്കാ മഹാജനസഭയും ഡിസിസിയും സംയുക്തമായി ചങ്ങനാശേരി ഹെഡ് പോസ്റ്റ് ഓഫീസ് ജംഗ്‌ഷനിൽ സംഘടിപ്പിച്ച ദേശീയ പ്രതിഷേധദിനം ഉദ്‌ഘാടനം ചെയ്ത് സംസാരിക്കുകയായിരുന്നു അദ്ദേഹം. സിഎംഎസ് അതിരൂപതാ ഡയറക്ടർ ഫാ. ജോൺസൺ ചക്കാലയ്ക്കൽ ആമുഖപ്രസംഗം നടത്തി. പ്രസിഡന്റ് ജെയിംസ് ഇലവുങ്കൽ അധ്യക്ഷത വഹിച്ചു.
