ചങ്ങനാശേരി: പ്രാർഥനയും ഉപവാസവും കൊണ്ടുമാത്രമേ ലോകത്ത് തിന്മയെ കീഴ്പ്പെടുത്തി നന്മ കൈവരിക്കാനുകുകയുള്ളുവെന്നും ആർച്ച്ബിഷപ് മാർ ജാസഫ് പെരുന്തോട്ടം. ജമാഅത്തെ ഇസ്ലാമി ചങ്ങനാശേരി ഏരിയ കമ്മിറ്റി സംഘടിപ്പിച്ച ഇഫ്താർ സംഗമം ഉദ്ഘാടനം ചെയ്യുകയായിരുന്നു അദ്ദേഹം. ദെവവുമായുള്ള ആഴമായ ബന്ധത്തിലൂടെ മനുഷ്യബന്ധങ്ങൾ സുദൃഢമാക്കണമെന്നും അദ്ദേഹം പറഞ്ഞു.
കാഞ്ഞിരപ്പള്ളി മസ്ജിദുൽ ഹുദാ ഇമാമും സോളിഡാരിറ്റി സംസ്ഥാന സമിതിയംഗവുമായ മുഹമ്മദ് അസ്ലം സന്ദേശം നൽകി. ജമാഅത്തെ ഇസലാമി ഏരിയ പ്രസിഡന്റ് പി.എ.നൗഷാദ് അധ്യക്ഷത വഹിച്ചു. നഗരസഭ ആക്ടിംഗ് ചെയർമാൻ ടി.പി.അനിൽകുമാർ, ജോബ് മൈക്കിൾ, ഷൈനി ഷാജി, സാജൻ ഫ്രാൻസിസ്, രാജൻ തോപ്പിൽ, എൻ.ഹബീബ്, സാബു മുല്ലശേരി, നിസ അബ്ബാസ്, പി.യു.നസീർ എന്നിവർ പ്രസംഗിച്ചു.