ഓഖി ദുരന്തം അനുഭവിച്ച സഹോദരങ്ങളോടൊപ്പമാകട്ടെ ഈ വർഷത്തെ നമ്മുടെ ക്രിസ്മസെന്ന് മുഖ്യമന്ത്രി പിണറായി വിജയൻ. ലോകം മുഴുവൻ ക്രിസ്മസ് ആഘോഷിക്കുമ്പോള്‍ കേരളത്തിന്‍റെ തീരപ്രദേശങ്ങളിൽ ഇത്തവണ കണ്ണീരിൽ കുതിർന്ന ക്രിസ്മസ് ആണ്. ദുരന്തത്തിന്‍റെ ഓർമയിൽ ഇപ്പോളും ഉറ്റവർക്കായി കാത്തിരിക്കുകയാണ് തീരം.
ദുരിതാശ്വാസ ക്യാമ്പിലാണ് നിരവധി കുടുംബങ്ങളുടെ ക്രിസ്മസ്. സ്കൂളുകളുടെയും സന്നദ്ധ സംഘടനകളുടെയും നേതൃത്വത്തിൽ പലയിടങ്ങളിലും സഹായങ്ങൾ എത്തിച്ചു നൽകുന്നുണ്ട്.
