ഇക്വഡോറിലെ ഗ്വായാക്വിൽ അതിരൂപതയിൽ ബധിരരും മൂകരുമായ ആളുകൾക്കായി വിശ്വാസപരിശീലനം ആരംഭിക്കുന്നു. പരിശീലകർക്കായി പ്രത്യേക ആംഗ്യഭാഷാ കോഴ്സും രൂപതാ അധികൃതർ സംഘടിപ്പിക്കുന്നുണ്ട്.
രൂപതയിലെ മിക്ക ഇടവകകളിലേക്കും ഈ പ്രവർത്തനങ്ങൾ വ്യാപിപ്പിക്കാനാണ് രൂപതാ അധികൃതരുടെ തീരുമാനം. കൂടാതെ, കോഴ്സും വിശ്വാസ പരിശീലകരുടെ സേവനവും പൂർണ്ണമായും സൗജന്യമായിരിക്കും. ഇവർക്ക് സുവിശേഷം പങ്കുവെച്ചുകൊടുക്കുകയും പ്രത്യേകം പരിഗണിക്കുകയും ചെയ്യുക എന്നതാണ് ഈ സംരംഭത്തിന്റെ ലക്ഷ്യമെന്ന് കോർഡിനേറ്റർമാരിൽ ഒരാളായ ആലിൻസൺ ചിലുയിസ പറഞ്ഞു.
അതോടൊപ്പം ഇത് ആംഗ്യഭാഷ പഠിക്കാൻ ആഗ്രഹിക്കുന്ന വൈകല്യമില്ലാത്ത ആളുകൾക്കായും പ്രയോജനപ്പെടുത്തും. സെപ്റ്റംബർ 19 ശനിയാഴ്ചയാണ് ക്ലാസുകൾ ആരംഭിക്കുന്നത്. നിലവിൽ വിശുദ്ധ കുർബാനയെ വ്യാഖ്യാനിച്ചു കൊണ്ടാണ് ക്ലാസുകൾ ആരംഭിക്കുന്നത്.
