കെസിബിസി ബൈബിൾ കമ്മീഷൻ സംഘടിപ്പിച്ച ലൂമെൻ ഷോർട്ട് ഫിലിം മത്സരത്തിൽ ഫാ. രഞ്ജിത്ത് കപ്പുച്ചിൻ നിർമിച്ച ‘ദയാലു’ ഒന്നാം സമ്മാനം നേടി. 25000 രൂപയും ട്രോഫിയും സർട്ടിഫിക്കറ്റുമാണു സമ്മാനം. മികച്ച സംവിധായകനുള്ള സമ്മാനത്തിനു ദയാലു സംവിധാനം ചെയ്ത ജോ ചാലിശേരി അർഹനായി.
ബിഷപ് യൂഹാനോൻ മാർ തിയഡോഷ്യസ് വിജയികൾക്കു സമ്മാനങ്ങൾ വിതരണം ചെയ്തു. വിശ്വമാനവികതയുടെ ബൈബിൾ സന്ദേശങ്ങൾ നവമാധ്യമങ്ങളിലൂടെ ജനങ്ങളിൽ എത്തിക്കുകയെന്ന ലക്ഷ്യത്തോടെയാണു ലൂമെൻ ഹ്രസ്വചലച്ചിത്ര മത്സരം സംഘടിപ്പിച്ചതെന്നു ബൈബിൾ കമ്മീഷൻ സെക്രട്ടറി റവ.ഡോ. ജോണ്സണ് പുതുശേരി അറിയിച്ചു.