ചങ്ങനാശേരി: എസ്ഡി സന്യാസിനീ സമൂഹത്തിന്റെ സ്ഥാപകപിതാവ് ഫാ. വർഗീസ് പയ്യപ്പിള്ളി ധന്യപദവിയിലെത്തിയതിന്റെ കൃതജ്ഞതാ സമ്മേളനം ഇന്ന്. വൈകുന്നേരം 4.30ന് ചെത്തിപ്പുഴ സെന്റ് ജോസഫ് പ്രൊവിൻഷ്യൽ ഹൗസിൽ ആർച്ച്ബിഷപ് മാർ ജോസഫ് പെരുന്തോട്ടം സമ്മേളനം ഉദ്ഘാടനം ചെയ്യും.
അതിരൂപതാ വികാരിജനറാൾ മോണ്. ജോസഫ് മുണ്ടകത്തിൽ അധ്യക്ഷത വഹിക്കുന്ന സമ്മേളനത്തിൽ അതിരൂപതാ ചാൻസിലർ റവ.ഡോ.ഐസക് ആലഞ്ചേരി, പ്രൊവിൻഷ്യൽ സുപ്പീരിയർ മദർ കർമലത, ചാരിറ്റിവേൾഡ് ഡയറക്ടർ ഫാ. സെബാസ്റ്റ്യൻ പുന്നശേരി, സിസ്റ്റർ റോസ്ലിൻ ഇലവനാൽ എസ്ഡി, സിസ്റ്റർ ആനിറോസ്, ഇമാം ഷെഫീക്ക്, എസ്. സുരേന്ദ്രൻ എന്നിവർ പ്രസംഗിക്കും