കപ്പൂച്ചിന് സഭാംഗമായ ഫാദര് റോയി കാരക്കാട്ട് സംവിധാനം ചെയ്ത ‘ദ ലാസ്റ്റ് ഡ്രോപ്’എന്ന ഹ്രസ്വചിത്രം കല്ക്കട്ട ഇന്റര്നാഷണല് കള്ട്ട് ഫിലിം ഫെസ്റ്റിവലില് ഫൈനലിലേയ്ക്ക് തെരഞ്ഞെടുക്കപ്പെട്ടു.
ജലക്ഷാമ ഭീകരതയുടെ നേര്ച്ചിത്രങ്ങള് പ്രേക്ഷകരിലേയ്ക്ക് എത്തിക്കാനുള്ള പരിശ്രമമാണ് ദ ലാസ്റ്റ് ഡ്രോപ്. ആ പരിശ്രമം പൂര്ണ്ണമായും വിജയം കണ്ടു എന്നാണ് സിനിമ കണ്ടവര് അഭിപ്രായപ്പെടുന്നത്.
പ്രകൃതിയും പരിസ്ഥിതിയും എന്ന വിഭാഗത്തിലെ അവസാനഘട്ടത്തിലേയ്ക്കാണ് ഈ ഹ്രസ്വചിത്രം മത്സരിച്ചത്. റോയി കാരക്കാട്ട് കപ്പൂച്ചിന്, എല്. ആന്റണി കപ്പൂച്ചിന് എന്നിവര് ചേര്ന്നാണ് ഈ ചിത്രത്തിന്റെ തിരക്കഥ തയാറാക്കിയത്. ഷിനൂബ് ടി. ചാക്കോ, സ്മിറിന് സെബാസ്റ്റിയന് എന്നിവരുടേതാണ് സിനിമാട്ടോഗ്രഫി. എഡിറ്റിംഗ് ജിബിന് ജോര്ജ്. ചിത്രത്തിലെ പശ്ചാത്തലസംഗീതം നല്കിയിരിക്കുന്നത് നോബിള് പീറ്റര്.