ഫാത്തിമായിലെ പുതിയ വിശുദ്ധരുടെ മാതൃക പിന്‍ചെന്ന് ദൈവത്തിനു സ്വജീവിതങ്ങള്‍ പുനപ്രതിഷ്ഠിക്കാന്‍ മാര്‍പാപ്പയുടെ ആഹ്വാനം. ഫ്രാന്‍സിസ്‌കോയുടെയും ജസീന്തയുടെയും വിശുദ്ധപദ പ്രഖ്യാപന ചടങ്ങുകള്‍ക്ക് ഫാത്തിമായില്‍ എത്തിയ നാല് ലക്ഷത്തോളം തീര്‍ത്ഥാടകരോടാണ് മാര്‍പാപ്പ ഇത് പറഞ്ഞത്.
”നൂറു വര്‍ഷങ്ങള്‍ക്കുമുമ്പ് ഫാത്തിമായിലെ ഇടയക്കുട്ടികളോട് മാതാവ് ചോദിച്ച ചോദ്യമാണിത്: ”നിങ്ങളെത്തന്നെ ദൈവത്തിനു സമര്‍പ്പിക്കാന്‍ നിങ്ങള്‍ ഒരുക്കമാണോ?” ഇന്ന് പരിശുദ്ധ അമ്മ ഈ ചോദ്യം നമ്മോടും ആവര്‍ത്തിക്കുന്നു. നാം കൊടുക്കുന്ന ഉത്തരം ‘അതേ’ എങ്കില്‍ തീര്‍ച്ചയായും വിശുദ്ധ ജീവിതത്തിന് നാമും ഉടമകളാകും.”
പരിശുദ്ധ അമ്മയുടെ നിരന്തര മാദ്ധ്യസ്ഥം ഈ വിശുദ്ധ ജീവിതപാതയില്‍ നമുക്കു കരുത്തേകട്ടെ എന്ന് ആശംസിച്ചുകൊണ്ടാണ് പാപ്പ തന്റെ പ്രസംഗം അവസാനിപ്പിച്ചത്.
