രാജ്യത്തിൻറെ മുൻ രാഷ്ട്രപതി പ്രണബ് മുഖർജി, വിവിധ വിഷയങ്ങളിൽ അഗാധമായ ജ്ഞാനമുള്ള വ്യക്തിയായിരുന്നു എന്ന് വരാപ്പുഴ അതിരൂപത ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ. ഇന്ത്യൻ രാഷ്ട്രീയത്തിലെ അധികായൻ ആയിരുന്ന അദ്ദേഹത്തിൻറെ നിര്യാണം രാഷ്ട്രത്തിന് വലിയ നഷ്ടമാണ്.
രാജ്യത്തിൻറെ മൂന്ന് പ്രധാനമന്ത്രിമാരോടൊപ്പം പ്രവർത്തിച്ച്, രാജ്യത്തിൻറെ ഭരണരംഗത്ത് വിവിധതലങ്ങളിൽ പ്രശോഭിച്ച വ്യക്തിത്വമാണ് അദ്ദേഹത്തിന്റേത്. പ്രണബ് മുഖർജിയുടെ നിര്യാണത്തിൽ അനുശോചനവും ദുഃഖവും രേഖപ്പെടുത്തുന്നതായി ആർച്ച്ബിഷപ്പ് ഡോ. ജോസഫ് കളത്തിപ്പറമ്പിൽ പ്രസ്താവിച്ചു.
