സ്വന്തം സ്വപ്നങ്ങളുമായി മുന്നേറാന്‍ ധൈര്യമുള്ളവരാകുക എന്ന് ഫ്രാന്‍സിസ് പാപ്പാ യുവജനങ്ങളോട് ആഹ്വാനം ചെയ്തു. ഫ്രാന്‍സിലെ ലിയോണ്‍ അതിരൂപതയുടെ സഹായമെത്രാന്‍ ഇമ്മാനുവേല്‍ ഗൊബീല്യയ്ക്ക് അനുവദിച്ച വീഡിയോ അഭിമുഖത്തിലാണ് പാപ്പാ ഈ കാര്യം ആഹ്വാനം ചെയ്തത്.
ഒരു ജനതയുടെ വേരുകളായ മുത്തശ്ശീമുത്തച്ഛന്മാരോടു സംസാരിക്കുകയും അവരുടെ ഇന്നു കാണപ്പെടാത്ത ആ ജീവിതം പുഷ്പ്പിച്ച് ഫലം പുറപ്പെടുവിക്കത്തക്കതാക്കി തീര്‍ക്കുകയും ചെയ്യുക എന്നത് യുവതലമുറയുടെ കടമയാണെന്ന് പാപ്പാ ഓര്‍മ്മിപ്പിച്ചു. പുഷ്പിതമായി കാണപ്പെടുന്ന വൃക്ഷം മണ്ണിനടിയില്‍ കുഴിച്ചിട്ടതില്‍ നിന്ന് മുളച്ചു വന്നതാണെന്ന കാര്യം ഒരിക്കലും വിസ്മരിക്കരുതെന്നും പാപ്പാ പറഞ്ഞു.
