വചനം മാസംമായി നമ്മുടെയിടയിൽ വസിച്ചു. (ജോൺ 2,14). വചനം അഥവാ വാക്കു ജീവനാണ്. ചിലപ്പോൾ ചില വാക്കുകൾ തരുന്ന ബലം വർണ്ണനാതീതമാണ്. ഒറ്റ വാക്കുകൊണ്ടാണ് തമ്പുരാൻ ലോകത്തെയും അതിലുള്ള എല്ലാ സൗന്ദര്യങ്ങളെയും സൃഷ്ടിച്ചത്. ജീവൻ നൽകുന്ന വാക്കുകൾ പറയാൻ എന്നനമുക്ക് ഓരോരുത്തർക്കും സാധിക്കട്ടെ.
കൂടെ ഉണ്ടാകും എന്ന വാക്കു നൽകുന്ന ബലം ജീവിതത്തിൽ മറ്റൊന്നിനും ഉണ്ടാകില്ല. മാലാഖ മറിയത്തോടു പറഞ്ഞതും കൃപനിറഞ്ഞവൾ സ്വസ്തി കർത്താവു നിന്നോട് കൂടെ. വചനം മാംസം ധരിച്ച ക്രിസ്തു ആയിത്തീർന്നതും അത് തന്നെയാണ്. ഇമ്മാനുവേൽ – ദൈവം നമ്മോടു കൂടെ.
ദൈവമേ, കൂടെ ഉണ്ടെന്നു പറയാനും ജീവിതത്തിൽ അത് പ്രാവർത്തികമാക്കാനും എന്നെ അനുഗ്രഹിക്കണമേ.