മതപരമായ കാര്യങ്ങള്‍ ഉള്‍പ്പെടുന്ന വെബ് സൈറ്റുകള്‍ക്കുമേല്‍ ചൈനീസ് കമ്മ്യൂണിസ്‌റ് പാര്‍ട്ടി നിയന്ത്രണം കര്‍ശനമാക്കുന്നു. മതപരമായ സൈറ്റുകള്‍ അടുത്തിടെ പ്രചാരത്തില്‍ എത്തുകയും അവയ്ക്കൊക്കെ നല്ല പിന്തുണ ലഭിക്കുകയും ചെയ്യുന്ന സാഹചര്യത്തിലാണ് സര്‍ക്കാരിന്റെ പുതിയ നിയന്ത്രണങ്ങള്‍ പ്രാബല്യത്തില്‍ വരുന്നത്.
അടുത്തിടെ മതങ്ങള്‍ തങ്ങളുടെ മതപരമായ ആശയങ്ങളും വിശ്വാസങ്ങളും ഇന്റര്‍നെറ്റിന്റെ സഹായത്തോടെ പ്രചരിപ്പിക്കുവാന്‍ ശ്രമിക്കുന്നതായി സര്‍ക്കാരിന്റെ ശ്രദ്ധയില്‍ പെട്ടിരുന്നു. മതപരമായ സൈറ്റുകളിലൂടെ പുറത്തു വന്നിരുന്ന പ്രാര്‍ത്ഥനകളും പഠനങ്ങളും ലേഖനങ്ങളും ചൈനീസ് ജനത തുറന്ന മനസോടെ സ്വീകരിക്കുകയും ചെയ്തിരുന്നു. ഇതിനെ തുടര്‍ന്ന് ഈ മാസം ഇന്റര്‍നെറ്റിലൂടെ മതപരമായ കാര്യങ്ങള്‍ നിയന്ത്രിക്കുന്നതിനായി ഒരു സംവിധാനം സെപ്റ്റംബര്‍ മാസം മുതല്‍ നിലവില്‍ വന്നു.
