ദിവ്യകാരുണ്യ സ്നേഹത്തെയും വിശുദ്ധ കുർബാനയുടെ അനുഭവത്തെയും വെളിപ്പെടുത്തുന്ന ചിത്രം അമേരിക്കൻ തിയേറ്ററുകളിൽ എത്തുന്നു. ഇന്റർനാഷണൽ കാത്തലിക് ഫിലിം ഫെസ്റ്റിവലിന്റെ സ്ഥാപകൻ ഗാബി ജേക്കബ് ആണ് ‘ദി കിസ് ഓഫ് ഗോഡ്’ എന്ന ചിത്രത്തിന്റെ റിലീസിന്റെ വിശദാംശങ്ങൾ പുറത്തുവിട്ടത്. വിശുദ്ധ കുർബാനയെ – ദിവ്യകാരുണ്യത്തെ പ്രണയിക്കാൻ പഠിപ്പിക്കുക എന്നതാണ് ഈ സിനിമയുടെ ലക്ഷ്യം.
ഡോക്യുമെന്ററി ഫിലിം സംവിധാനം ചെയ്തിരിക്കുന്നത് പിയട്രോ ഡിറ്റാനോയാണ്. മെൽ ഗ്വിബ്‌സണിന്റെ “ദി പാഷൻ ഓഫ് ദി ക്രൈസ്റ്റ്” എന്ന സിനിമയിൽ ബറാബ്ബാസിനെ അവതരിപ്പിച്ച പിയട്രോ സരുബിയായിരുന്നു. “ഒരു പരിവർത്തന പ്രക്രിയക്കു ശേഷമാണ്” ഡിറ്റാനോ സിനിമ നിർമ്മിച്ചതെന്നും ഈ കലാസൃഷ്ടി ചെയ്യാൻ കർത്താവ് അദ്ദേഹത്തെ തിരഞ്ഞെടുത്തു എന്നും ജേക്കബ് വെളിപ്പെടുത്തുന്നു.
“വിശുദ്ധ കുർബാന നമ്മുടെ വിശ്വാസത്തിന്റെയും ആത്മീയജീവിതത്തിന്റെയും കേന്ദ്രമാണ്. പലപ്പോഴും പല കത്തോലിക്കർക്കും വിശുദ്ധ കുർബാനയുടെ തുടക്കം മുതൽ ഒടുക്കം വരെ ജീവിക്കുന്നവനെ തിരിച്ചറിയാൻ കഴിയുന്നില്ല. ആ അർത്ഥത്തിൽ, ഈ പുതിയ ഡോക്യുമെന്ററി കുർബാനയെയും അതിന്റെ ഭാഗങ്ങളെയും കുറിച്ച് കൂടുതൽ അറിയാൻ മാത്രമല്ല, ‘കുർബാനയെ കൂടുതൽ ആഴത്തിൽ സ്നേഹിക്കാനും ജീവിക്കാനും’ സഹായിക്കും” – ജേക്കബ് പറഞ്ഞു. ഓരോ വിശുദ്ധ കുർബാനയിലും നമുക്കുള്ള നിധി മനസിലാക്കാനും തിരിച്ചറിയാനും കുട്ടികളെയും യുവാക്കളെയും മുതിർന്നവരെയും സഹായിക്കുന്ന ‘ഒരു ഉപകരണമായി’ ഇത് ഉപയോഗിക്കാമെന്നും അദ്ദേഹം കൂട്ടിച്ചേർത്തു. പല രാജ്യങ്ങളിലും സെപ്റ്റംബർ മാസം ഈ ചിത്രം റിലീസ് ചെയ്യും.
