നിങ്ങളോട് വിയോജിക്കുന്നവരുമായി സംവദിക്കണമെന്ന് ഫ്രാൻസിസ് മാർപാപ്പ

നിങ്ങളോട് വിയോജിക്കുന്നവരുമായി സംവദിക്കണമെന്ന് ആഹ്വാനം ചെയ്ത് ഫ്രാൻസിസ് മാർപാപ്പ. ചെമിൻ-ന്യൂഫ് പൊളിറ്റിക്കൽ ഫ്രറ്റേർണിറ്റി സംഘത്തിലെ അംഗങ്ങളെ വത്തിക്കാനിൽ സ്വീകരിക്കുമ്പോഴാണ് പാപ്പാ ഇപ്രകാരം പറഞ്ഞത്.

“രാഷ്ട്രീയം എന്നു പറയുന്നത് പല കാഴ്ചപ്പാടുള്ളവരുടെ കൂടിക്കാഴ്ച്ചയാണ്. ക്രൈസ്തവരെ സംബന്ധിച്ചിടത്തോളം, ആദരവോടെയുള്ള സംവാദത്തിന്റെ ഭാഗമായി മറ്റുള്ളവരോടുള്ള തുറവിയും അവരുടെ വിയോജിപ്പുകളെ അംഗീകരിക്കുന്നതും ഈ കൂടിക്കാഴ്ചയിൽ ഉൾപ്പെടുന്നു. നാം നമ്മുടെ ശത്രുക്കളെ സ്നേഹിക്കണമെന്ന് സുവിശേഷം ആവശ്യപ്പെടുന്നു. അതുകൊണ്ടു തന്നെ രാഷ്ട്രീയ കൂടികാഴ്കളെ സാഹോദര്യപരമായ കൂടിക്കാഴ്ചകളായി കാണണം. പ്രത്യേകിച്ച് നമ്മോട്  വിയോജിക്കുന്ന വ്യക്തികളുമായുള്ള കൂടികാഴ്ചകൾ” – പാപ്പാ പറഞ്ഞു. മറ്റുള്ളവരോടുള്ള നമ്മുടെ മനോഭാവം മാറ്റണമെന്നും എല്ലാവരോടും സ്വീകാര്യതയും ആദരവും കാണിക്കേണ്ടത് ആവശ്യമാണെന്നും പാപ്പാ കൂട്ടിച്ചേർത്തു.

18 മുതൽ 35 വയസ്സ് വരെ പ്രായമുള്ളവരും, വിവിധ രാജ്യങ്ങളിൽ നിന്ന് പൊതുനന്മക്കും ദരിദ്രർക്കും വേണ്ടി പ്രവർത്തിക്കുന്നവരുടെയും കൂട്ടായ്മയാണ് ‘ചെമിൻ-ന്യൂഫ് പൊളിറ്റിക്കൽ ഫ്രറ്റേർണിറ്റി’ എന്ന സംഘടന.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.