ജൂലൈ അവസാന വാരത്തിൽ കാനഡയിലെ മൂന്ന് നഗരങ്ങൾ സന്ദർശിക്കാനൊരുങ്ങി ഫ്രാൻസിസ് മാർപാപ്പ. മെയ് 13-ന് ഹോളി സീ പ്രസ്സ് ഓഫീസാണ് ഈ വാർത്ത പുറത്തുവിട്ടത്.
എഡ്മണ്ടൻ, ക്യൂബെക്ക് സിറ്റി, ഇക്കലൂട്ട് എന്നീ കനേഡിയൻ നഗരങ്ങളാണ് പാപ്പാ സന്ദർശിക്കുന്നത്. ജൂലൈ 24 മുതൽ 30 വരെയുള്ള ദിവസങ്ങളിലാണ് പാപ്പായുടെ യാത്ര. വി. അന്നയുടെ തിരുനാളായ ജൂലൈ 26-ന് കനേഡിയൻ പൗരന്മാരുമായി കൂടിക്കാഴ്ച നടത്താൻ പദ്ധതിയുണ്ടെന്ന് വത്തിക്കാനിൽ വച്ച് ഏപ്രിൽ ഒന്നിന് മാർപാപ്പ സൂചിപ്പിച്ചിരുന്നു. ഫ്രാൻസിസ് മാർപാപ്പയുടെ സന്ദർശനത്തെ സൗഖ്യത്തിന്റെയും അനുരഞ്ജനത്തിന്റെയും തീർത്ഥാടനമായി കണ്ട് സ്വാഗതം ചെയ്യുമെന്ന് കനേഡിയൻ ബിഷപ്പുമാരും പ്രഖ്യാപിച്ചിട്ടുണ്ട്.
