ഫ്രാൻസ് സന്ദർശനത്തിന്റെ അവസാന ദിനമായ ഇന്ന് മാർപാപ്പ ജർമ്മൻ അതിർത്തിയോട് ചേർന്നുള്ള ചരിത്രപ്രസിദ്ധമായ മെറ്റ്സ് (Metz) നഗരം സന്ദർശിക്കും. അന്താരാഷ്ട്ര സമാധാന സമ്മേളനം, സമാപന ദിവ്യബലി എന്നിവയുൾപ്പെടെ നിരവധി സുപ്രധാന പരിപാടികളിലാണ് ഇന്നേ ദിവസം പാപ്പ പങ്കെടുക്കുക.
സെപ്റ്റംബർ 28 തിങ്കളാഴ്ച പ്രാദേശിക സമയം രാവിലെ 7:40 ന് യാത്ര തിരിക്കുന്ന മാർപാപ്പ രാവിലെ 9:20 ഓടെ മെറ്റ്സിൽ എത്തിച്ചേരും. തുടർന്ന് രാവിലെ പത്തിന് റോബർട്ട് ഷുമാൻ കോൺഗ്രസ് സെന്ററിൽ നടക്കുന്ന അന്താരാഷ്ട്ര സമാധാന-ഐക്യസമ്മേളനത്തെ പാപ്പ അഭിസംബോധന ചെയ്യും. പ്രമുഖ യൂറോപ്യൻ രാഷ്ട്രീയ-സാമൂഹികനേതാക്കളുടെ സാന്നിധ്യത്തിൽ നടക്കുന്ന ഈ സമ്മേളനത്തിൽ ആഗോളസമാധാനവും ഐക്യവും മുൻനിർത്തിയുള്ള നിർണ്ണായക സന്ദേശം മാർപാപ്പ നൽകും.
ഉച്ചകഴിഞ്ഞ് മെറ്റ്സിലെ വി. സ്റ്റീഫൻ കത്തീഡ്രലിൽ (സെന്റ് വിൻസെന്റ് ഡി പോൾ) നടക്കുന്ന സമാപന ദിവ്യബലിക്ക് മാർപാപ്പ മുഖ്യകാർമ്മികത്വം വഹിക്കും. ഈ സന്ദർശനത്തിലെ പാപ്പയുടെ അവസാനത്തെ ദിവ്യബലിയപ്പണമായിരിക്കും ഇത്. ചടങ്ങുകൾക്കു ശേഷം വൈകുന്നേരം ഏഴിന് മെറ്റ്സ് വിമാനത്താവളത്തിൽ നിന്ന് പുറപ്പെടുന്ന മാർപാപ്പ, തന്റെ നാല് ദിവസത്തെ ഫ്രാൻസ് പര്യടനം പൂർത്തിയാക്കി വത്തിക്കാനിലേക്കു മടങ്ങും.
