ലെയോ പതിനാലാമൻ മാർപാപ്പയുടെ 12 ദിവസം നീണ്ടുനിൽക്കുന്ന സുപ്രധാന ലാറ്റിൻ അമേരിക്കൻ അപ്പോസ്തോലിക യാത്ര ഇന്ന് ആരംഭിക്കും. ഉറുഗ്വേ, അർജന്റീന, പെറു എന്നീ രാജ്യങ്ങളാണ് മാർപാപ്പ സന്ദർശിക്കുന്നത്.
വർഷങ്ങളോളം മിഷനറിയായും ബിഷപ്പായും സേവനമനുഷ്ഠിച്ച പെറുവിലേക്കുള്ള സന്ദർശനം മാർപാപ്പയെ സംബന്ധിച്ച് വളരെ വൈകാരികമാണ്. പെറുവിൽ കോവിഡ് കാലത്തടക്കം പാപ്പ സേവനം ചെയ്ത പാവപ്പെട്ട ജനങ്ങളുമായുള്ള ബന്ധം പുതുക്കാനും, ആമസോൺ മേഖലയിലെ ഉപേക്ഷിക്കപ്പെട്ട ജനവിഭാഗങ്ങളെ സന്ദർശിക്കാനുമാണ് പാപ്പ ഈ യാത്രയിലൂടെ ലക്ഷ്യമിടുന്നത്.
ഉറുഗ്വേയിൽ മതേതര പാരമ്പര്യമുള്ള രാജ്യത്ത് സുവിശേഷ സന്ദേശവും വിശ്വാസത്തിന്റെ പങ്ക് ഓർമ്മിപ്പിക്കാനുമായി പാപ്പ എത്തുന്നു. അർജന്റീനയിൽ സാമൂഹികവും സാമ്പത്തികവുമായ വെല്ലുവിളികൾ നേരിടുന്ന ജനതയ്ക്ക് ഐക്യത്തിന്റെയും നീതിയുടെയും സന്ദേശം നൽകാനും പാപ്പയുടെ സന്ദർശനം സഹായിക്കും.
