കഴിഞ്ഞയാഴ്ച ഐക്യരാഷ്ട്രസഭയുടെ ഒരു സെഷനിൽ, മതന്യൂനപക്ഷങ്ങൾക്കെതിരായ വിവേചനപരമായ നടപടികൾ അവസാനിപ്പിക്കണമെന്ന് ഇന്ത്യ പാക്കിസ്ഥാനോട് ആവശ്യപ്പെട്ടു. ഹിന്ദു, ക്രിസ്ത്യൻ, സിഖ് തുടങ്ങിയ മതങ്ങളാണ് പാക്കിസ്ഥാനിൽ ന്യൂനപക്ഷം. മതന്യൂനപക്ഷങ്ങൾക്കെതിരെ കടുത്ത വിവേചനവും പീഡനവുമാണ് വർഷങ്ങളായി പാക്കിസ്ഥാനിൽ നടക്കുന്നത്.
ന്യൂനപക്ഷ മതപീഡനം അവസാനിപ്പിക്കാൻ ഇന്ത്യ ആവശ്യപ്പെടുമ്പോൾ രാജ്യത്തെ വിവിധ സംസ്ഥാനങ്ങളിൽ മതന്യൂനപക്ഷങ്ങളെ പീഡിപ്പിക്കുന്ന കാര്യത്തിൽ പാക്കിസ്ഥാന്റെ അതേ പാതയിലാണ് ഇന്ത്യ എന്ന ആരോപണവും ഉയരുന്നുണ്ട്.
