ഡെമോക്രാറ്റിക് റിപ്പബ്ലിക്ക് ഓഫ് കോംഗോയിൽ (ഡി.ആർ.സി) പടർന്നുപിടിക്കുന്ന എബോള വൈറസ് ബാധ കൂടുതൽ പ്രദേശങ്ങളിലേക്ക് വ്യാപിക്കുന്നതായി ലോകാരോഗ്യ സംഘടന. സുഡ് ഉബാങ്കി പ്രവിശ്യയിലെ ബുലു, ദക്ഷിണ സുഡാനുമായി അതിർത്തി പങ്കിടുന്ന ഹൗട്ട്-ഉലെ പ്രവിശ്യയിലെ ദുങ്ഗു എന്നീ രണ്ട് പുതിയ ആരോഗ്യ മേഖലകളിലേക്ക് കൂടി രോഗം സ്ഥിരീകരിച്ചിട്ടുണ്ട്.
ഇതുവരെ ഏഴ് പ്രവിശ്യകളിലായി ആകെ 63 ആരോഗ്യ മേഖലകളിലാണ് രോഗബാധ റിപ്പോർട്ട് ചെയ്തിട്ടുള്ളത്. സെപ്റ്റംബർ 23 വരെയുള്ള കണക്കുകൾ പ്രകാരം കോംഗോയിൽ 7,890 പേർക്ക് രോഗം സ്ഥിരീകരിക്കുകയും 3,799 പേർ മരണപ്പെടുകയും ചെയ്തു. രാജ്യത്തുള്ള ആഭ്യന്തര സംഘർഷങ്ങളും ജനങ്ങളുടെ പലായനവും ആരോഗ്യ പ്രവർത്തകർക്ക് രോഗബാധിത പ്രദേശങ്ങളിലേക്ക് എത്തിച്ചേരുന്നതിനും രോഗം ബാധിച്ചവരുമായി സമ്പർക്കത്തിൽ വന്നവരെ കണ്ടെത്താനും വലിയ ബുദ്ധിമുട്ടുകൾ സൃഷ്ടിക്കുന്നുണ്ടെന്ന് ഡബ്ല്യു.എച്ച്.ഒ മേധാവി ടെഡ്രോസ് അദാനോം ഗെബ്രിയേസൂസ് വ്യക്തമാക്കി.
