നൈജീരിയയിൽ ആവർത്തിക്കുന്ന കൂട്ടക്കൊലപാതകങ്ങൾ; ഫുലാനി തീവ്രവാദികൾ എഴുപതിലധികം ക്രൈസ്തവരെ കൊലപ്പെടുത്തി

സെൻട്രൽ നൈജീരിയയിലെ ഒരു ഗ്രാമത്തിൽ ഫുലാനി തീവ്രവാദികൾ 70-ലധികം ക്രൈസ്തവരെ കൊലപ്പെടുത്തി. സർക്കാർ യാതൊരുവിധ സംരക്ഷണവും പൗരന്മാർക്ക് നൽകാത്തതിന്റെ ഇരകളാണ് ഈ കൊല്ലപ്പെട്ടവർ. ഒക്‌ടോബർ 18-ന് മൂന്ന് വ്യത്യസ്ത ഇടങ്ങളിലായി അഞ്ച് ഫുലാനി തീവ്രവാദികളെ കൊലപ്പെടുത്തിയതിന്റെ പ്രതികാരനടപടിയായിട്ടാണ് ഈ അക്രമം എന്ന് ബെന്യൂ സംസ്ഥാന പോലീസ് ഉദ്യോഗസ്ഥൻ സംശയിക്കുന്നു. തൊട്ടടുത്ത ദിവസം തന്നെ ബെന്യൂ സംസ്ഥാനത്തെ ഉക്കും കൗണ്ടിയിലെ ഗ്ബെജി ഗ്രാമത്തെ ഫുലാനി തീവ്രവാദികൾ ആക്രമിച്ചു.

“രണ്ട് ദിവസങ്ങൾക്കുള്ളിൽ, ഞങ്ങളുടെ പ്രാദേശിക ഗവൺമെന്റ് ഏരിയയിലെ ഗ്ബെജി കമ്മ്യൂണിറ്റിയിലെ 70-ലധികം ക്രൈസ്തവർ കൊല്ലപ്പെട്ടു” – സംസ്ഥാനത്തെ ബെന്യൂവിലെ ഉകം ലോക്കൽ ഗവൺമെന്റ് കൗൺസിൽ ചെയർമാൻ ടെറമ്പൂർ കാർത്യോ പറഞ്ഞു. ഗുമ ലോക്കൽ ഗവൺമെന്റ് ഏരിയയിൽ, കഴിഞ്ഞയാഴ്ച, ഉദേയ്, യെലെവാത ഗ്രാമങ്ങളിൽ 100-ലധികം ക്രിസ്ത്യാനികൾക്ക് ഈ തീവ്രവാദികളുടെ വെടിയേറ്റ് പരിക്കേൽക്കുകയും തന്മൂലം ആയിരക്കണക്കിന് ആളുകളെ മാറ്റിപ്പാർപ്പിച്ചതായും കാർത്യോ കൂട്ടിച്ചേർത്തു.

കഴിഞ്ഞയാഴ്ച ഗ്ബെജി പട്ടണത്തിൽ 56 ക്രിസ്ത്യാനികളെങ്കിലും കൊല്ലപ്പെട്ടതായി ഉക്കും പ്രദേശവാസിയായ ബെഡെ ബർത്തലോമിയോ പറയുന്നു. “36-ഓളം മൃതദേഹങ്ങൾ ഇതുവരെ കണ്ടെടുത്ത് മോർച്ചറിയിലേക്ക് കൊണ്ടുപോയി” – അദ്ദേഹം പറഞ്ഞു.

വാസെ, ദൗഡു, ത്യോത്യേവ്, ഉദേയ്, യെൽവത എന്നീ ഗ്രാമങ്ങൾക്കൊപ്പമാണ് ജിബെജി ആക്രമിക്കപ്പെട്ടതെന്ന് മറ്റൊരു പ്രദേശവാസിയായ ടെറൻസ് ക്വാനം പറഞ്ഞു. സംസ്ഥാനത്തിന്റെ പല ഭാഗങ്ങളിലും ഫുലാനി തീവ്രവാദികൾ നാശം വിതച്ചുകൊണ്ടിരിക്കുകയാണെന്നും അദ്ദേഹം കൂട്ടിച്ചേർത്തു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.