കോവിഡ് കാലത്ത് നാല് മില്യൺ ആളുകൾക്ക് സ്പെയിനിലെ കത്തോലിക്കാ സഭയുടെ സഹായം

കോവിഡ് പകർച്ചവ്യാധിയിൽ ദുരിതമനുഭവിച്ച നാല് മില്യൺ ആളുകൾക്ക് സഹായമെത്തിച്ച് സ്പെയിനിലെ കത്തോലിക്കാ സഭ. സ്പാനിഷ് എപ്പിസ്കോപ്പൽ കോൺഫറൻസ് (സിഇഇ) ആണ് 2020-ലെ ഈ റിപ്പോർട്ട് പുറത്തുവിട്ടത്.

2007 മുതൽ നികുതി അടയ്ക്കുന്ന സ്പെയിനിലെ കത്തോലിക്കർ അവരുടെ വരുമാനത്തിന്റെ 0.7 % കത്തോലിക്കാ സഭക്കു നൽകുന്നു. ഇത് കത്തോലിക്കർ സ്വമേധയാ എടുക്കുന്ന തീരുമാനമാണ്. സ്പെയിനിലെ സഭയുടെ ആകെ  വരുമാനത്തിന്റെ 23 % ലഭിക്കുന്നത് ഇപ്രകാരമാണ്. 2020-ൽ സമാഹരിച്ച തുക 297.68 ദശലക്ഷം യൂറോ ആണ്. “നികുതിദായകരുടെ സംഭാവനകളാണ് സഭയുടെ പ്രവർത്തനങ്ങളെ സഹായിച്ചത്. കാരിത്താസ്, മനോസ് യൂനിദാസ്, എയ്ഡ് ടു ദ ചർച്ച് ഇൻ നീഡ് തുടങ്ങിയ സംഘടനകൾക്കും സ്പാനിഷ് സമൂഹത്തിനും അവരുടെ സംഭാവനകൾക്കും സമയത്തിനും നന്ദി അറിയിക്കുന്നു” – സിഇഇ ജനറൽ സെക്രട്ടറി ബിഷപ്പ് ലൂയിസ് ആർഗ്വെല്ലോ പറഞ്ഞു.

2020-ൽ, സഭയുടെ 9,222 സാമൂഹിക കേന്ദ്രങ്ങളിലായി 40,30,871 ആളുകൾക്കാണ് പരിചരണം നൽകിയത്. സ്പെയിനിൽ 11,68,675 ആളുകൾക്ക് സേവനം നൽകുന്ന 976 സാമൂഹിക-ആരോഗ്യകേന്ദ്രങ്ങൾക്കും വയോജനങ്ങൾക്കും രോഗികൾക്കും വൈകല്യമുള്ളവർക്കും ആശുപത്രികൾക്കും ഔട്ട്പേഷ്യന്റ് ക്ലിനിക്കുകൾക്കും ഡിസ്‌പെൻസറികൾക്കും സഭ ധനസഹായം നൽകുന്നുണ്ട്. 8,246 സാമൂഹിക-സഹായകേന്ദ്രങ്ങൾ 2,862,196 പേരുടെ ദാരിദ്ര്യം ലഘൂകരിക്കാനും കുടിയേറ്റക്കാരെ സഹായിക്കാനും ശിശുസംരക്ഷണത്തിനും മയക്കുമരുന്നിന് അടിമകളായവരുടെ പുനരധിവാസത്തിനും അക്രമത്തിനിരയാകുന്ന സ്ത്രീകൾക്ക് നിയമോപദേശങ്ങൾ നൽകാനും സഹായിച്ചിട്ടുണ്ട് എന്നും റിപ്പോർട്ടിൽ വെളിപ്പെടുത്തുന്നു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.