പ്രശസ്ത പ്രൊട്ടസ്റ്റന്റ് യൂട്യൂബർ കാമറൂൺ ബെർട്ടുസി കത്തോലിക്കാ വിശ്വാസം സ്വീകരിക്കാൻ ഒരുങ്ങുന്നു. വളരെ ആഴത്തിലുള്ള പഠനങ്ങൾക്കും തീരുമാനങ്ങൾക്കുമൊടുവിലാണ് അദ്ദേഹം കത്തോലിക്കാ വിശ്വാസം സ്വീകരിക്കാനുള്ള തന്റെ സന്നദ്ധത വെളിപ്പെടുത്തുന്നത്. “2022 സെപ്റ്റംബർ 20- നാണ് ഞാൻ കത്തോലിക്ക വിശ്വാസം സ്വീകരിക്കാൻ തീരുമാനിച്ചു എന്ന് അറിയിക്കുന്നത്. ഈ വരുന്ന ഈസ്റ്ററിന് ഇത് സ്ഥിരീകരിക്കും” – ബെർട്ടൂസി ഒരു യൂട്യൂബ് വീഡിയോയിൽ പറഞ്ഞു.
“ഒരു പ്രൊട്ടസ്റ്റന്റ് വിശ്വാസി എന്ന നിലയിൽ, തുറന്ന മനസോടെയാണ് ഞാൻ പഠനത്തിനു പോയത്. കത്തോലിക്കാ വിശ്വാസം സ്വീകരിക്കാനുള്ള എന്റെ ആഗ്രഹം എന്റെ കുടുംബത്തിന് ബുദ്ധിമുട്ടുണ്ടാക്കി. വ്യക്തമായ പഠനത്തിനും വിശകലനത്തിനും ശേഷമാണ് ഈ തീരുമാനം. ഞാൻ കത്തോലിക്കാ വിശ്വാസത്തെക്കുറിച്ച് കൂടുതൽ പഠിക്കുമ്പോൾ അത് എന്റെ പ്രൊട്ടസ്റ്റന്റ് വിശ്വാസത്തെ കൂടുതൽ സ്ഥിരീകരിക്കുക മാത്രമേ ചെയ്യൂ എന്ന് എന്റെ പ്രൊട്ടസ്റ്റന്റ് സുഹൃത്തുക്കൾക്ക് വളരെ ആത്മവിശ്വാസമുണ്ടായിരുന്നു. പക്ഷേ, അത് തെറ്റായിരുന്നു” – ബെർട്ടുസി വ്യക്തമാക്കി.
1,50,000 -ഓളം സബ്‌സ്‌ക്രൈബേഴ്‌സ് ഉള്ള ഒരു ക്രിസ്ത്യൻ യൂട്യൂബ് ചാനലാണ് ബെർട്ടുസിയുടേത്. ബെർട്ടുസി തന്റെ ചാനലിലൂടെ അറിയപ്പെടുന്ന നിരവധി ക്രിസ്ത്യാനികളോടും കത്തോലിക്കരോടും തന്റെ പരിവർത്തന കഥ വെളിപ്പെടുത്തിയിട്ടുണ്ട്.
