കര്ദ്ദിനാള് റെയ്മണ്ട് ബുര്ക്കയെ വെന്റിലേറ്ററില് നിന്ന് ഐസിയു -വിലേയ്ക്ക് മാറ്റിയതായി ആശുപത്രിവൃത്തങ്ങള്. കോവിഡിനെ തുടര്ന്ന് വളരെ ഗുരുതരമായ അവസ്ഥയില് ഏതാനും ദിവസങ്ങളായി തുടരുകയായിരുന്നു അദ്ദേഹം. അദ്ദേഹത്തിന്റെ ആയുരാരോഗ്യത്തിനു വേണ്ടി വിശ്വാസികള് മുഴുവന് കഴിഞ്ഞ ദിവസങ്ങളില് പ്രാര്ത്ഥനയിലായിരുന്നു.
ഐസിയു -വില് നിന്ന് സ്ഥിതി മെച്ചപ്പെടുന്നതനുസരിച്ച് ആശുപത്രി മുറിയിലേയ്ക്കും മാറ്റും. കഴിഞ്ഞ ദിവസം കര്ദ്ദിനാളിന്റെ സഹോദരി അദ്ദേഹവുമായി ഫോണില് സംസാരിക്കുകയും ചെയ്തു. തനിക്കു വേണ്ടി പ്രാര്ത്ഥിക്കുന്ന എല്ലാവര്ക്കും അദ്ദേഹം നന്ദി അറിയിച്ചതായി സഹോദരി അറിയിച്ചു.
ആഗസ്റ്റ് 14 -നാണ് കര്ദ്ദിനാളിനെ ആരോഗ്യസ്ഥിതി വഷളായതിനെ തുടര്ന്ന് ആശുപത്രിയില് പ്രവേശിപ്പിച്ചത്.