ഇരുപതാം നൂറ്റാണ്ടിലെ ഏറ്റവും പ്രശസ്തനായ സുവിശേഷപ്രഘോഷകനായിരുന്ന ബില്ലി ഗ്രഹാം (99) അന്തരിച്ചു. നോർത്ത് കരോളിന‍യിലെ സ്വവസതിയില്‍ ബുധനാഴ്ച രാവിലെയായിരുന്നു മരണം.
അമേരിക്കന്‍ പ്രസിഡന്‍റുമാരുള്‍പ്പെടെ നിരവധി പ്രമുഖരുടെ ആത്മീയ ഉപദേഷ്ടാവായിരുന്നു ഇദ്ദേഹം. സുവിശേഷ പ്രഘോഷണ ദൗത്യവുമായി കേരളത്തിലും അദ്ദേഹം എത്തിയിട്ടുണ്ട്.
ബില്ലി ഗ്രഹാം അന്താരാഷ്ട്രതലത്തില്‍ ക്രിസ്തുമതത്തിന്‍റെ പ്രചാരകരിൽ പ്രമുഖനായിരുന്നു. 1954- ൽ ലണ്ടനിലാണ് അദ്ദേഹം തന്‍റെ സുവിശേഷ പ്രഭാഷണ ദൗത്യം ആരംഭിക്കുന്നത്. 211ദശലക്ഷം ആളുകളോട് അദ്ദേഹം ബൈബിള്‍ പ്രസംഗിച്ചിട്ടുണ്ടെന്ന് കണക്കാക്കപ്പെടുന്നു. പതിനാറാം വയസിൽ ഒരു യാത്രയിൽ സുവിശേഷകനുമായുള്ള സംഭാഷണമാണ് ബില്ലി ഗ്രഹാമില്‍ മാറ്റം വരുത്തിയത്.
