ഇന്നേ ദിവസം തിരുസഭാമാതാവ് നാം ഓരോരുത്തരുടേയും പ്രാര്ഥനയ്ക്കും വിചിന്തനത്തിനുമായി നൽകിയിരിക്കുന്ന തിരുവചനഭാഗം വി. ലൂക്കായുടെ സുവിശേഷം രണ്ടാം അധ്യായം 15 മുതല് 20 വരെയുള്ളതാണ്. യേശുവിന്റെ ജനനത്തെക്കുറിച്ചുള്ള അറിയിപ്പ് ലഭിച്ചപ്പോള് ഇടയന്മാര് യേശുവിനെ കാണാന് പോകുന്നതും, തങ്ങള് കണ്ടതായ യേശുവിനെപ്രതിയുള്ള സന്തോഷത്താല് മടങ്ങുന്നതുമാണ് നാം വായിച്ചുകേട്ടത്. ഇതിലൂടെ വചനം നമ്മോട് പറഞ്ഞുവയ്ക്കുന്ന സന്ദേശം, ക്രിസ്തുവിനെ കണ്ടെത്താനുള്ള തീക്ഷ്ണതയുണ്ടായിരിക്കണം എന്നതാണ്.
യേശുവിനെ തേടി കാലിത്തൊഴുത്തിലേക്കു യാത്ര ചെയ്യുന്ന ആട്ടിടയന്മാര്ക്ക്, യേശുവാണ് യഥാര്ഥ രക്ഷകന് എന്ന ബോധ്യമുണ്ടായിരുന്നു. അതുകൊണ്ടാണ് അവര് യേശുവിനെ തേടി കണ്ടുപിടിച്ചത്. നമ്മുടെ അനുദിനജീവിതത്തില് യേശുവിനെ കണ്ടെത്താന് നമുക്ക് സാധിക്കണം. നാം ഒരോരുത്തരും യേശുവിനെ കണ്ടെത്തേണ്ടത് നമ്മുടെ സഹോദരന്മാരിലൂടെയാണ്. നാം കണ്ടെത്തിയ ക്രിസ്തുവില് ആനന്ദം കൊള്ളാന് സാധിക്കണം. അതിനായി ദൈവം നമ്മെ അനുഗ്രഹിക്കട്ടെ.
ഫാ. അജോ ജോസ്
