പന്ത്രണ്ട് അപ്പസ്തോലന്മാരെ ദൈവരാജ്യം പ്രസംഗിക്കാനും രോഗികളെ സുഖപ്പെടുത്താനുമായി ശക്തിയും അധികാരവും നല്കി അയയ്ക്കുന്നതും ഈ ശുശ്രൂഷയില് പരിപൂര്ണ്ണമായി ദൈവത്തില് ആശ്രയിക്കാന് ഉദ്ബോധിപ്പിക്കുന്നതുമാണ് ഇന്നത്തെ വേദഭാഗം.
ഏതെങ്കിലും പ്രത്യേക അപ്പസ്തോലനല്ല, അപ്പസ്തോലസംഘത്തിനാണ് ദൗത്യനിര്വഹണത്തിനുള്ള ശക്തിയും അധികാരവും യേശു നല്കിയത്. ശക്തി, അത്ഭുതം പ്രവര്ത്തിക്കാനും അധികാരം ദൈവരാജ്യം പ്രഘോഷിക്കാനുമാണ്. എന്നാല്, അവ രണ്ടും ദൈവം നല്കിയതാണ്. അതിനാല് വ്യക്തിപരമായ വളര്ച്ചയ്ക്കായി ഈ ദാനങ്ങളെ ഉപയോഗിക്കാതെ ദൈവരാജ്യത്തിന്റെ വളര്ച്ചയ്ക്ക് ഉപയോഗിക്കാന് ശിഷ്യര് തയാറാകണം. മാത്രമല്ല, ഭൗതികമായ കരുതലിനേക്കാളും സ്വരുക്കൂട്ടലുകളേക്കാളും ദൈവത്തില് ആശ്രയിച്ചുകൊണ്ട് ഈ ശുശ്രൂഷയ്ക്ക് ശിഷ്യര് തയാറാകണമെന്നും യേശു ഓര്മ്മിപ്പിക്കുന്നു. ദൈവരാജ്യപ്രഘോഷണ ശുശ്രൂഷയില് യേശുവിന്റെ ദൈവാശ്രയബോധത്തില് അടിസ്ഥാനമായ ശുശ്രൂഷയാണ് ശിഷ്യര് നടത്തേണ്ടത്.
ഫാ. ഗീവര്ഗ്ഗീസ് കൈതവന