കല്യാണവിരുന്നിന് ക്ഷണിക്കപ്പെട്ടാല്‍ നീ പ്രമുഖസ്ഥാനത്ത് കയറിയിരിക്കരുത് എന്നാണ് യേശു പഠിപ്പിക്കുന്നത് (14:8). മറ്റുളളവരെ വലിയവരായി കാണുക എന്നതാണ് ഈ പാഠത്തിന്റെ ഹൃദയം.
നിന്റെ കൂടെയുളളവരുടെ വലുപ്പം നിനക്ക് കാണാനാവണം, സ്വീകരിക്കാനാവണം, അംഗീകരിക്കാനാവണം. ജീവിതപങ്കാളിയുടെയും മക്കളുടെയും വലുപ്പം കാണാനാവുമ്പോഴാണ് നീ യഥാര്‍ഥത്തില്‍ വലിയവനാകുന്നത്; വളര്‍ത്തുന്നവനാകുന്നത്. തങ്ങളെത്തന്നെ വലിയവരായി കരുതി ജീവിക്കുന്നവര്‍ക്ക് മറ്റുള്ളവരുടെ വലിപ്പം മനസ്സിലാക്കാന്‍ പറ്റാതെ പോകുന്നു. മറ്റുള്ളവരുടെ നന്മയെ കാണാന്‍ പറ്റുമ്പോള്‍, അതനുസരിച്ച് ജീവിക്കുമ്പോള്‍ സമൂഹം നിന്നെയും വലിയവനായി കരുതും.
