ഇന്ന് ദുഃഖശനി. ജീവിതത്തിലെവിടെയോ ഒരു നിശ്ശബ്ദതയും ശൂന്യതയും അനുഭവപ്പെടുന്നുണ്ടെങ്കിൽ അതിനുള്ള പരിസമാപ്തിയാണ് ക്രിസ്തുവിന്റെ ഉയിർപ്പ്.
ദു:ഖശനി എന്നും നിശ്ശബ്ദതയുടെ നാളല്ല, മറിച്ച് പ്രതീക്ഷയുടെ ദിനങ്ങളാകണം. ഏറെ പ്രതീക്ഷയോടും സന്തോഷത്തോടും കൂടി നാം ധ്യാനിച്ച് ഒരുങ്ങേണ്ട ദിനമാകണം ക്രിസ്തുവിന്റെ ഉയിർപ്പ്.
അതുകൊണ്ടാണ് വചനം ഇപ്രകാരം പറയുക: “അവർ കല്ലുരുട്ടി മാറ്റി” എന്ന്. ജീവിതത്തിൽ നിരാശയുടെയും ക്ലേശങ്ങളുടെയും ചില കല്ലുകൾ ക്രിസ്തുവിനെയും എന്നെയും തമ്മിൽ അകറ്റുന്നുണ്ടെങ്കിൽ അതെല്ലാം ഉരുട്ടിമാറ്റി ക്രിസ്തുവിലേക്ക് പ്രതീക്ഷയോടെ നോക്കാൻ നമുക്കാവട്ടെ. ക്രിസ്തുവിന്റെ ഉയിർപ്പിനെ സ്വീകരിക്കാൻ നമുക്ക് പ്രാർഥനയോടെ ആയിരിക്കാം.
ഫാ. ചാക്കോ വടക്കേത്തലയ്ക്കൽ MCBS
